Popular Bible Verses from 'Lu 6

Share

A 'nyi a 'bei' deh. :Yee' Nyorsoa-a mu a deh⧾ 'nyi-: :ke. 'Nyii'-deh: Nyorsoa-a mu-a a 'nyi-:, eh mu :dbo-dih-eh: deh 'jeh neh, 'de eh 'ye dih 'nyeh-eh:, eh 'ye deh 'yi, eh 'ye 'zorn 'wla :bhla :bhla, 'de eh 'ye 'de a 'kwa :po-eh:. Deh no-eh, :ka a no-a a 'bei'-a' ne-a' :dbo-dih-eh, 'ka-: Nyorsoa-a mu a-a' ne-a' :dbo-dih-eh :no :ke.

Nyor 'jeh nor dhe deh⧾ 'jeh dih, 'do or-a' :porluh ken, 'do :wor or za deh⧾ 'jeh. 'De 'kulu-nyor dhe deh⧾-zon⧾ dih, 'do or-a' :porluh ken, 'do :wor or za deh⧾-zon⧾. Deh no-eh, deh⧾ :en 'yi-a 'o 'do nyor⧾-a' :porluh⧾ ken, me-: an-a' worn⧾-' za-'.

Jorwor: a :ybeh nyor⧾ :on 'nyeh-a a-uh'. A no deh⧾ 'jeh 'do on bo. A 'nyi-uh deh⧾, 'de a-a' :dhe-eh' :gwlii', :eh :mor a mu-ih de 'ye-:, 'de on 'kwa. :Mor a no deh⧾-a' klehkpeh :daa, :yee' a mu geli' :za-dih-deh: :kolu' 'ye-:. :Yee' a mu 'nynuu :no, 'do 'yi 'beh-Nyorsoa bo. Deh no-eh, or-a' :porluh :nmor-: 'yi 'do nyor⧾, :an-a' po-a or-a' 'zio-: 'dekorn: deh⧾-zon:⧾ :no-nyor⧾-: bo.

'Do eh-a' dha, a :mor :mloror', a :korn a 'ye nyor⧾-a' :wehlih 'ye, :ka a :Baa' Nyorsoa-a no-a :ke.

:Yee' a-a' :chehn-' a 'bei'-a' zabe 'i 'suh, :yee' Nyorsoa :se-' a-a' zabe :zi i :ke. A-a' :kpon-dih:-' a 'bei' zabe, :yee' Nyorsoa :se-' a zabe :kpon-dih: i :ke. A 'ma-dih: deh⧾-zon:⧾ a 'bei'-a no-a a 'bhun, en-' dhih bo. :Yee' Nyorsoa-a mu a-a' deh⧾-zon⧾-a' dhih bo 'ma-dih: :ke.

:Yee' :Yusu'-a kpa or-a' wlu 'dlu bo :chio'lo:, or 'dae:, Jorwor: 'an zela a :gwluhuh', a :mor :or 'worn-a 'an wlu, a :ybeh nyor⧾ :on 'nyeh-a a-uh'. 'De mor a no deh⧾ 'jeh ne, 'do :yuh :an ple-a a-a' 'ye-a' bo. Nyor⧾ :on po-a a 'chlo bo, a po-uh :bhorlie' bo. :Yee' a :wlu 'de Nyorsoa bo, 'do :yuh :on no-a a dhih-', an-a' dhih bo.

Deh a 'bhorn-a nyor⧾ 'ye-a' no 'do a bo, eh-a' 'jeh :dao', eh-: a 'ye no 'do nyor⧾ bo :ke.

:Mor nyor tba :an-a' :gea 'kpa, :yee' :to 'o 'for-a' 'sororn' nor :ke. :Mor nyor 'duo: :an-a'a: 'korlor-', :yee' :an-a' :kmu-dih:-' 'wla :yor :ne-a 'de or 'zorn ken dih :ke. :Mor nyor :zlor deh 'de :on bo, :yee' 'nyi-eh or. :Yee' :mor nyor kpa :an-a'a: :kororn-deh, :yee' :an-a' dhele:-' eh-a' dhih dih :neheh'.

:Yee' eh se tu 'jeh no :korn, :on 'ye-a' 'bi-zon⧾ :tlo. 'De mor eh se tu-zon :korn, :on 'ye-a' 'bi 'jeh ne :tlo.

Tu-a' 'bi, me-: nyor⧾-a yubo-dih tu. 'Wu⧾-kwla :se-' gwehn :tlo i. 'De dlan :se-' 'nyoeh' :tlo i.