Popular Bible Verses from :Jororn' 11

Share

'De :Yusu' 'da, 'Mor-: 'o, :or za 'de 'meheh'-nyor⧾ 'de nma-dih-deh 'di, 'de :or 'nyi-uh 'kmo :sie: :febeh'. Nyor :or po-a 'on dhih 'jeh-', or-a' :yeh 'meh, or mu 'kmo :ne :neheh'. 'De mor nyor-beh-nyor-beh: :or :ne-a 'kmo-', 'de :or po-a 'on dhih 'jeh-', or :se-' 'meh-: i, :ka ti-a mu-a 'dlu-' :tehn. :On po-eh-' dhih 'jeh :e?

'De :Yusu' 'da, 'On :se-' :on :gwluhuh' zela:, 'on :se-' :ao', :an mu Nyorsoa-a' dhih-a' 'i 'beh-a' 'ye-: :mor :on po-eh dhih 'jeh-' :e?

:Yee' :Yusu' 'vin-'.

:Yeh :Yusu' 'worn-a tubo-wlu:⧾ :daa, :yee' or :wlu-', or 'da, 'Weh :daa, eh :se-' :Lasor' 'dba-: i. Jorwor: eh :no-eh:-', 'de Nyorsoa-a' 'nyne 'ye dhih-a' 'i 'beh-a' 'ye. :Yee' eh-a' 'jeh :dao', eh-: mu-eh :no, 'de 'mor :or 'dhu-a Nyorsoa-a' 'Yu-', 'on 'ye dhih-a' 'i 'beh-a' 'ye :ke.

:Yeh or :za-a deh :daa-', :yee' or 'wor-', or 'da, :Lasor', 'si 'zorn. :Yeh or 'da :ao', :yee' 'yu :or 'meh-a, :yee' or 'si-: 'zorn, 'de :za 'ku 'gbu-yli-eh bhian-dih: or-a' buh⧾-: 'dekorn: or-a' son⧾-: kle-' dih. 'De 'yli-eh: 'sluh :san-dih: 'o or 'yli ken. :Yeh or 'si-a 'zorn, :yee' :Yusu' :wlu-' 'de on bo, or 'dae:, A bhehn-dih-or. A za-or 'ylii kle-' dih, or 'ye mu.

:Yee' :ka :Yusu'-a' :porluh-a 'beh-dih-or 'worn dih :chio'lo:, :yee' or mu 'de :dha on nma-dih:-a :Lasor' dih, :eh no-a wor, on no-a sobu' :kolu', on kan-a 'o or worn 'i.

:Yeh :Yusu' gweh-a deh :daa, eh-a' :za-a' 'i, :yee' or :wlu-' 'de on bo :neheh', or 'dae:, :A 'be :Lasor' 'kpa-' 'nyinor:. Jorwor: 'an mu :mu, 'on 'ye-or' 'nyinor-' :za.