Popular Bible Verses from :Jororn' 10

Share

'Ylii'-nyor yi-: 'de 'klein', or 'ye 'yli, or 'ye nyor⧾ 'dba, 'de or 'ye deh⧾ 'kor-dih:. Jorwor: 'on yi-: 'de, 'de 'an-a: 'blae'⧾ 'ye 'kmo :ne, 'de 'kmo an mu-a-' :ne, on 'ye 'mona-' dih 'yi-dih:.

'Mor no 'blae'⧾-a' 'yli-eh bo 'dhu-nyor: 'jeh nor. :Yee' 'blae'⧾-a' 'yli-eh bo 'dhu-nyor: 'jeh nor-a 'worn-dih-eh ken dih 'weh, or 'ye or-a' :febeh' 'kwla :za, or 'ye 'meh, 'do or-a'a: 'blae'⧾-a' dhih bo.

'An-a: 'blae'⧾ 'worn 'an wlu 'weh. 'De mor :ke, 'on yubo-ih', 'de en zi 'o 'on klei' 'weh.

'De 'on 'nyi-ih 'kmo :sie: :febeh'. 'Do eh-a' dha, en :se-' gbe :zie: i, :ka ti-a mu-a 'dlu-' :tehn. 'De nyor se 'beh-dih: or 'ye-ih 'de 'on 'kwa :za.

'Mor no :kpaa'. :Mor nyor-beh-nyor-beh :yi-dih: 'on-', 'de or 'ye pa, :yee' or mu 'puh-:. Or mu :pa, 'de or 'ye 'zorn 'si, :yee' or mu dii-deh 'ye-:.

'Mor no 'blae'⧾-a' 'yli-eh bo 'dhu-nyor: 'jeh nor. 'On yubo: 'an-a: 'blae'⧾ 'weh. 'De en yubo: 'on 'weh :ke.

'On-ba: :or 'nyi-ih-a 'on, or 'beh-: 'i, or :zi 'o nyor⧾-a' klehkpeh-'. Nyor se 'beh-dih: or 'ye-ih 'de 'On-ba 'kwa :za. 'On-ba-: 'dekorn: 'mor-: :a no deh :due'.

'Ka-: 'On-ba no 'an yubo-eh, 'de 'on no or-a' yubo-eh :ke. :Yee' 'on 'worn-dih-eh ken dih 'weh, 'on 'ye 'an :febeh' 'kwla :za, 'on 'ye 'meh, 'do 'an-a: 'blae'⧾-a' dhih bo.

Nyor :se-eh' 'on 'kwa :za i. Jorwor: 'an 'jeh 'yor-eh: 'worn-dih-eh ken dih, 'on 'ye-eh' 'kwla :za, 'on 'ye 'meh. 'On 'ble 'kpih, 'on 'ye-eh' 'kwla :za, 'de 'on 'ble 'kpih, 'on 'ye-eh' 'ye :dele' ka. 'Ka :wor 'On-ba no 'an :gwluhuh' zela-eh, 'on 'ye no.

:Yee' :Yusu' :wlu-' :neheh' 'de on bo, or 'dae:, Dhih 'jeh, 'an zela a :gwluhuh', 'mor 'dhu :kpaa' :or :ne-a 'o 'blae'⧾ worn 'i-'.

Nyor an za-a geli', :or 'ye-a' 'blae'⧾ 'yli-eh bo 'dhu, or :se 'blae'⧾-a' 'yli-eh bo 'dhu-nyor:, :or :korn-a 'blae'⧾. :Yee' eh-a' dhih, :mor or 'ye ji, eh :taa 'de yi, :yee' or sie 'blae'⧾ 'weh, or ple, or mu-'. :Yee' ji-a 'kpa 'de 'blae'⧾ 'nyne-' 'weh, 'de en gboba-' dih.

:Yee' :Yusu'-a kpa or-a' wlu 'dlu bo, or 'dae:, Dhih 'jeh, 'an zela a :gwluhuh', nyor :or se-a 'de 'blae'⧾-a' kpo-a' :kpaa' 'worn :yi-dih:, 'de :or 'ya-a kpo ya dih, 'de :or 'si-a 'de or 'di dih, :yee' nyor :dao', or-: 'ylii'-nyor: 'o.