Popular Bible Verses from Noo-deh:⧾ 5

Share

:Yeh or 'da :ao', :yee' :Piteh'-: 'dekorn: or 'bei' dboo-nyor⧾-: on 'da, :A :korn :a 'ye 'o Nyorsoa-a' 'tele' dih dhe :gbor :gbor, :eh :zi 'o :gwlor-nyor-a' neh-'.

:Yee' :eh 'wluh-a 'o ti on za-uh-a 'de :kasue 'di, zorn 'o zorn, on :se-' nyor⧾ deh :torne-eh 'bor :chio'lo:, 'do Nyorsoa-a' 'sla ybei'-: 'dekorn: 'de nyor⧾ 'bli 'gbu⧾ 'di dih-:. 'De mor on :se-' tubo-wlu:⧾ 'jeh-a' po-a' 'bor :ke, :ka :Yusu' 'dhu-a Nyorsoa-a' 'taan'-yu-'.

:Yeh or kpa-a 'wlii-a' kpor :dao', :yee' :Piteh' dhele-or-: dih, or 'da, 'Anenaya', :eh :korn dhih 'de :on :za 'ku 'yli-eh dih, 'de on :korn :an-a' :porluh wlu 'ken, 'de :on 'tmo sih 'de Gban 'i :ne :Zulu bo :eh? 'De 'bluhba-a' 'kplo :on plo-a, :on dhe or-a' 'wlii: :nee' dih 'do :an-a' 'jeh bo :eh? Ti :on 'see-a 'bluhba-a' 'kplo :dao' plo, :yee' or se 'de :on bo :korn :e? :Ae' :yeh :on plo-or, or-a' 'wlii se 'de :on bo :korn ke? :Yee' :eh :korn dhih, 'de :on po 'o deh :daa :eh :ne :ao', 'do :on :porluh ken :eh? Sih :on 'tmo-a, eh :se 'de :gwlor-nyor⧾ bo, :on :se-ih' 'tmo-dih:. Jorwor: 'de Nyorsoa bo :oo', :on 'tmo-dih-ih. :Yee' :yeh 'Anenaya' 'worn-a deh :daa :Piteh' :za-a-', :yee' or 'ga-: dih, 'de or 'meh. :Yee' nyor⧾-a' klehkpeh :on 'worn-a deh :daa :eh :no-eh, :fano 'kpa 'de on 'di 'weh 'gabaa.

:Yee' eh-a' dhih :naa, 'an 'dhu a 'slen, a 'ye :Yusu'-a'a: dboo-nyor:⧾ :daa dih 'tali:, on 'ye mu. Deh no-eh, deh⧾ an 'dhu-a on 'ye-a' no-: 'dekorn: deh⧾ an no-a-: :mor en 'wluh 'o an-a' 'jeh 'yor-eh-a' :porluh⧾ ken, :yee' en mu worn :gweh. Jorwor: :mor en 'wluh 'de Nyorsoa bo, :yee' a se en-' 'borboa' 'i :po-eh 'beh-dih:, a :ne-eh' no :noo:, 'de a :ne-' Nyorsoa-a' bo :vorn-nyor⧾ no. :Yee' zabe: :zi-nyor:⧾ :dao', on 'worn-dih: deh :Game'la :za-a-' 'weh.