Popular Bible Verses from Luk 9

Share

Na ko heꞌi unue loꞌu hunie ahutada uuri, “Mala uri nga iini ko sare lulu i sulieu, nge ke pulongosie walu ola e sae haahiꞌi, na ke lulu i sulieu i suli hei dinge, maꞌalana ke sapesalu i tehulaꞌaku, hule aana maenga i lengine poꞌu-poꞌu. Iini nge ko aangaꞌinie poꞌu-poꞌu ingeie urine, haꞌalaa e sai lulu i sulieu.

Aana taꞌena nga iini ko sare kinetaꞌinie mola maurihaꞌana, nge kei deu tekelaꞌinie oto. Taꞌe nga iini nge ko deu tekelaꞌinie maurihaꞌana i tehulaꞌaku, nge kei haꞌa-uurie tohungana maurihaꞌana eena.

Taꞌe a Jisas e unue uuri, “Taꞌena nga iini ko esu i hohola ingeie, taꞌe ko talei loꞌo-loꞌongaꞌinie loꞌu mola nga mo ola aaopa kei waelie oto hohola ngeena. Na e urine noꞌone mala nga iini ko sare neꞌi pwaarongoisuli ineu taꞌe ko loꞌo-loꞌongaꞌinie mola mo ola aaopa. Iinoni urine e kaꞌa malisine ike Aalahanga a God.”

?Haꞌalaa nga mei taa diana nge iinoni kei terie aana kei toꞌo aana oto ahutana mo toꞌo-toꞌonga aana walumalau ie, na ko deu tekelaꞌinie mola maurihaꞌana oto i tehulaꞌani? ?Oto uri toꞌo-toꞌolana kei peꞌie aana maholona? !Haꞌike oto ooꞌoo! Nga mei ola hunie ke niie huni tola aalihoꞌi aana maurihaꞌana, haꞌike loꞌu.

Mala uri nga iini ko masa huni unu tahangaꞌinieu na mo haꞌa-uusulinge ineu, nge ineu noꞌone ne kei masa huni unu tahangaꞌinie aana maholo ne kei lae mai peꞌie manikuluhaꞌaku na manikuluhaꞌana a Mamaꞌa na mo ensel maaꞌi.

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

na ko teꞌuri hunire, “Taꞌena nga iini nge ko tola konie nga kele mwela mala ienini aana sataku, nge ko tola konieu eena. Na taꞌena nga iini nge ko tola konieu, ko tola konie noꞌone iini e uusungeꞌinieu mei eena. Aana a tei hikemiu nge ko haꞌamwai-mweiꞌaa toꞌohuu, ingeie ni oto e paine liutaa.”