Popular Bible Verses from Luk 10

Share

Aana nou niie oto huniꞌomu nanamanga huni uuri haahie mo mwaa ala-ala na mo heri-heri. Na nou niie oto noꞌone nanamanga e saka loꞌu liutaa aana nanamanga a Satan. Oto nga mei ola e saꞌa huꞌisiꞌomu ike loꞌu.

Oto a Jisas e aalamie mola uuri, “Maata, Maata. O ko lae otoi tolahiꞌe aana mo ola hunge. Taꞌe taꞌa-taꞌa mei ola ni mola e roroꞌa, na a Meri ko lae otoi deu diana, aana e lio hilisie oto tohungana mei ola diana, na nga iini e saꞌa heꞌi taꞌaasie loꞌu mwaanie.”

Oto a mwaena ko aalamie a Jisas uuri, “O ke manata diana hunie a God, Aalaha iꞌoe oto aana ahutana saemu, na aana ahutana maurihaꞌamu, na aana ahutana aꞌailaꞌanga iꞌoe, na aana ahutana mo neꞌisaenga iꞌoe, na o ke manata diana hunie auhenue iꞌoe oto mala o manata diana huniꞌo maraamu.”

Oto a Jisas ko teꞌuri hunire, “Soꞌokoninge e paine hiitoꞌo, taꞌe mwala auꞌesu kaꞌa hunge ike huni soꞌokoni. Omu ke aitanaie iini e toꞌo aana hohola hunie ke uusungeꞌinie loꞌu mei nga mwala auꞌesu huni soꞌokoni nana.

Oto a Jisas ko si teꞌuri hunie haꞌa-uusuli aana mo Haꞌatolanga a Mosis ngeena uuri, “?Iini uri taa aana e oolu mwane ngeena nge iꞌoe o loꞌongaꞌinie uri e neꞌi euhenue toꞌohuu hunie mwane nge mo horopeli e horoꞌiena?” Oto haꞌa-uusuli aana mo Haꞌatolanga ko aalamie a Jisas uuri, “Iini nge e aamasie.” Oto a Jisas ko si teꞌuri hunie, “O ke lae, na o ke asu noꞌone urine mala ingeie.”

No ko uusungeꞌiniꞌomu i matolana mwala e oorahaꞌaa, na saeda huni horoꞌiꞌomu mala mo wawaulo ni meꞌesu ko seunie mo sipu.