Popular Bible Verses from Génesis 49

Share

Xruꞌin kensen nchao santsjaꞌa juachaxin, jaꞌa Judá, ko xruꞌin thi santsjaꞌa nthasen, thi ntha ruchro ixin chunda juachaxin, tsija thi thetuꞌan nthasen, thi tsetuꞌan nguixin nunthe.

»Jaꞌa, José, xraa naa nthaa jii chrika jinda, ko dajon tsjé thuchjuin ko chaan ntha tanito thjarioꞌo. Ni tjayaxin ntha chijno ningakuꞌan na̱ ko tjaꞌa na̱ chijno ko nguxon tenthañao na̱

Aro anto suji ntha raa ko suji tse ntha chijnuꞌa; ¡ko jaꞌa sujixin ixin Ndo Diue Jacob, thi chunda kain juachaxin!, ¡ko suji ixin thi jinda ko dayakuꞌen Israel! Ko Ndo Diue ndudaa tsjengijna; Ko Ndo Dio chunda kain juachaxin, sinthanchaon jaꞌa. Ko ngajni sinthanchaunxin Ndo, ¡Ko sinthachaon Ndo kunixin thi jii chringi ndachaon! ¡Ko sinthanchaon kunixin janaꞌa sinchekunkjiꞌi chjan ko sinchekai xan!

»Jaꞌa, Judá, xan choo sinthasayaꞌa xan. Ko kain ni ningakuꞌan, jaꞌa tsjeꞌe na̱ cha, ko kain xan choo ruchunda xan juasaaya ngajin. ¡Xanꞌna Judá! Jaꞌa xraa naa kuleunchjan ixin are uthjexin jine ba kuxiigo duen ba, disee ba ko detsingataꞌa ba nunthe, xraa ncheꞌe naa kuleón jié. ¿Ko xruꞌin kensen rinao tunchieꞌen ixin sinchekjayeꞌe ba?

»Jaꞌa Rubén, jaꞌa thi xanꞌna xan saꞌo, jaꞌa tsangaxin na, jaꞌa xan saꞌo guan are tsanga bariꞌi, jaꞌa thi saꞌo jitusayaꞌa ko richunda juachaxin. Aro jaꞌa itsjiꞌa inchin xan saꞌo, Ixin jaꞌa xraa ndachaon juxon kjamangiathe ixin bincheꞌe jianꞌa ngataꞌa thi darichritaꞌa ixin barichrikoꞌo naa chriꞌna.