Popular Bible Verses from San Lucas 1

Share

Ijkon nochiuas pampa xitlaj* onkaj yejuan Dios xueli kichiua.

Niman kemaj María okijtoj: —Nejua niitekipanojkau noTEKO. Ma ijki nochiua ken yotinechijlij. Kemaj on ángel oyaj.

Niman on ángel okinankijlij: —On Espíritu Santo mopan uajlas, niman ipoder on yejuan más ueyixtikaj Dios kichiuas sen milagro tejua mopan. Yejua ika, on konetsintli yejuan tlakatis yolchipauak yes niman itoka yes iKonetsin Dios.

Dios mitstiochiua tejua yejuan otikneltokak ika nochiuas on tlen okijtoj.

Aman tikanas mokonetsin niman tiktlakatilis sen tlakakonetl. Niman tiktokayotis Jesús. Yejua ueyixtias niman itoka yes teKoneu itech on más ueyixtikaj Dios. Niman Dios toTEKO kitlalis para Rey yes, niman kipiyas on tekiuajyotl yejuan iuejkatataj David okipix. Yejua tlamandaros para nochipa ipan on país de Israel, niman itekiuajyo xkaman tlamis.

Pero on ángel okijlij: —Maka xmomojti María, pampa Dios sanoyej yomitstiochiu.