Popular Bible Verses from Majdaiq Saw 5

Share

Caemhdangq naeuz mij'z vunz naeuz diemj daeng rongh le, caiq dawz aen de coengq haeuj ndaw gang bae, dauq dwg ij dawz aen de coengq hwnj gwnz daiz bae, hawj aen de ndaej ciuq rongh baenx cenz ranz vunz raen lah. Caemh doxdoengz, faenhsou caemh wnggai ciuq rongh hawj vunz lajmbwn, hawj gyoengqde yawj ndaej raen faenhsou guh hih ndeisaeh hwj haenh daxboh gwnzmbwn faenhsou.”

“Faenhsou dwg lajmbwn hih rongh; ij wnggai hawj vunz raen, hawj vunz rox, mbouj wnggai yo hwnjdaeuj. Ij luj aen singz hwnq youq gwnz dingjbya yienghmwnq yienh sagsag.

“Simndei lauxsaed hih vunz hax, miz fuk lo, aenvih de couh ij ndaej raen Cangqdiq lo.

“Muengh ndaej ciuq gij cawjeiq Cangqdiq bae guh hih vunz hax, miz fuk lo, aenvih Cangqdiq couh ij hawj de rox gaeuq lo.

Hoeng, gou naeuz sou ni, faenhsou ij aiq doengh boux caeuq faenhsou doxmiz haemzcaeuz he, caemh ij bang doengh boux haih mwngz goq he gouz Cangqdiq.

“Mbouj rasang yawjhwnj Cangqdiq hih vunz hax, miz fuk lo, aenvih de dwg haeuj guek Cangqdiq hih.

“Hawj vunz doxhuz hih vunz hax, miz fuk lo, aenvih Cangqdiq nginh de guh lwg.

“Siengsim hih vunz hax, miz fuk lo, aenvih Cangqdiq couh ij vued de lo.

“Vih ciuq gij cawjeiq Cangqdiq bae guh hwj ngaiz souh daengz vunz haih hih vunz hax, miz fuk lo, aenvih de dwg haeuj guek Cangqdiq hih.

“Rox hojsik hih vunz hax, miz fuk lo, aenvih Cangqdiq caemh hojsik de.

Hauhnaeuz vih gou hwj ngaiz vunz yug, ngaiz vunz haih, ngaiz vunz luenhbangh bangjlaih hih, faenhsou couh miz fuk lo. Faenhsou wnggai riuriu angqangq, aenvih youq gwnzmbwn Cangqdiq ij miz haujlai cangj hawj faenhsou, caemh aenvih youq dangq gaxgonq faenhsou caemh miz boux cenz gij vah Cangqdiq caemh yienghneix ngaiz vunz haih goq.”

“Soh semxsemh hih vunz hax, miz fuk lo, aenvih lajmbwn hih dieg couh ij gvi hawj de lo.

Yehsuh gangj daengz dineix le, vanzlij caiq naeuz: “Faenhsou dwg lajmbwn hih gyu. Yiengq, hauhnaeuz gij gyu neix gaenq cwt lo, couh ij baenzlaw caiq hawj de ndaej bienq ndaengq haem nej? Mij'z yungh hih gyu, mbouj vwt ok rog bae hawj vunz caij, ij diuh de ma guh maz haem nej?

Sojhij faenhsou wnggai guh boux simndei liuxliux he, caemh luj Bohmbwn faenhsou yienghmwnq ndei liuxliux he.”

Couh dwg naeuz, faenhsou gangj vah, ‘dwg’ couh naeuz ‘dwg,’ ‘mbouj dwg’ couh naeuz ‘mbouj dwg;’ mbouj ndaej fazsiq. Hauhnaeuz fazsiq, couh dwg Sajdanq iuyinx hih.

“Faenhsou caemh dingqri naeuz goq naeuz: ‘Doh ra boiz ra, doh faenz boiz faenz,’ gawq neix lo bax. Hoeng, gou naeuz sou ni, gaejyungh caeuq vunz vaih doxngig. Hauhnaeuz miz vunz mbap mbiengj naj gvaz mwngz, mwngz couh veq mbiengj naj swix mwngz hawj de ajcaih de mbap.

Hauhnaeuz cehra mwngz hawj mwngz famh coih hih, yiengq couh ij dawz ceh de vet okdaeuj gveng bae; cingxnyienh aen ndangdaej noix bae yiengh he lah, yienghneix dauq giengz goq baenx cenz ndang cungj ngaiz Cangqdiq dawz bae vwt roengz mwnq de fad fangz he bae. Hauhnaeuz gij fawz gvaz mwngz hawj mwngz famh coih hih, yiengq couh ij dawz gij de raemj bae, gveng bae; cingxnyienh aen ndang noix bae yiengh he, yienghneix dauq giengz goq baenx cenz ndang cungj ngaiz Cangqdiq dawz bae vwt roengz mwnq de fad fangz he bae.