Popular Bible Verses from Majdaiq Saw 4

Share

Yiengq Yehsuh han naeuz: “Singqgingh ndaw de sij naeuz: Vunz mbouj dwg caenhgag gauq miz gw cij ndaej lix nej, dauq dwg ij gauq Cangqdiq soj gangj hih vah cij ndaej lix lah.”

Yehsuh dingq le, youhcaiq han de naeuz: “Sajdanq, deuz! Ndaw Singqgingh ndaw de caemh sij naeuz: Cangqdiq dwg mwngz dih cwnz; ij baiq ij sax, caenhgag ndaej baiq ndaej sax de, caemh dwg caenhgag ndaej swqhaeuh de.”

Yehsuh dingq le, youhcaiq han naeuz: “Singqgingh ndaw de caemh sij naeuz: Mbouj ndaej sawq Cangqdiq, mwngz dih cwnz hah.”

Miz baez he, Hoenzsaenz Cangqdiq daiq Yehsuh bae daengz rogndoi, hawj de ngaiz Sajdanq duz fangzvuengz neix sawq de, hawj de youq rogndoi lekdungx gijmaz cungj mbouj gw, dungxiek seiqcib ngwnzngoenz. Yiengq de lek seiqcib ngwnzngoenz le, roxnginh dungxiek ij rai bae.

Yehsuh yawjraen le, couh doiq song boux de naeuz: “Daeuj, daeuj gaen gou bax; gou ij hawj faenhsou ndaej vunz luj ndaej bya yienghmwnq.” Gyoengqde dingq le, couh mbouj aeu doenghheij muengx de, couh gaen Yehsuh bae lo.

Couh dwg daj mwhmwnq hwnj, Yehsuh couh gaihcij cenzgangj naeuz: “Cangqdiq dih gienzveih couh ij fazveih lo; faenhsou wnggai ij daj ndaw sim nginh loek gaij goqma.”