Popular Bible Verses from Abụ Ọma 34

Share

ONYENWE ANYị na-anọ ndị niile obi ha tiwara etiwa nso, ọ na-anapụta ndị niile olileanya ha gwụrụ.

Nʼihi na etikuru m ONYENWE ANYị mkpu akwa, ọ zakwara m, napụta m site nʼaka ịtụ ụjọ m niile.

Nsogbu na-adakwasị ndị ezi omume na-adị ukwuu, ma ONYENWE ANYị na-anapụta ha site na nsogbu ndị ahụ niile.

Jiri aka gị tulee ma hụkwa na ONYENWE ANYị dị mma; onye a gọziri agọzi ka onye ahụ bụ, onye nke na-agbaba nʼime ya.

Ihu ndị na-elekwasị ya anya na-enwu dịka ihe; ihere adịghị eme ha.

ONYENWE ANYị na-anụ olu ndị ezi omume, mgbe ha na-akpọku ya ka o nyere ha aka; ọ na-azọpụtakwa ha site na nsogbu ha niile.

Mmụọ ozi ONYENWE ANYị na-agba ndị niile na-atụ egwu ya gburugburu na-anapụtakwa ha.

Site nʼihe ọjọọ wezuga onwe gị ma mee ezi ihe, chọọ udo ma gbasookwa ya.

chezie ire gị ka ọ ghara ikwu ihe ọjọọ, chezikwaa egbugbere ọnụ gị ka ọ gharakwa ịgha ụgha.

Anya ONYENWE ANYị dị nʼahụ ndị ezi omume, ntị ya gheekwa oghe nye mkpu akwa ha

Soro m too ONYENWE ANYị; ka anyị bulie aha ya elu.