Popular Bible Verses from Maliko 6

Share

Pakaba abantu abinji nkani abakwiza nukubuka, umwakuti u Yesu na bamanyili bache batakaba na kabalilo akakulyela. Po u Yesu akababuzya akati, “Twende kubuzilo kuko tungaba twebene ukuti mutuzye panandi.”

Po u Yesu akababuzya akati, “Umulaghuzi akuchindikiwa kosi na kosi, loli kwene kukaya kache na bakamu bache, sona bantu aba munyumba yache.”

Bo u Yesu ika mubwato akennya ichilundilo icha bantu. Akaba ni chililizi na bantu bala, pakuti bakayana bulo ni ng'ozi zizyo zite nu mudimi. Po akanda pakubamanyizya ivintu ivyinji.

Atakapela navimo ivyika, loli kwene pakubika inyobe pa babine abanandi bulo nukubapozya. Chikamuswighizya nkani pachifukwa chakuti abantu bala batakamusubila. Po u Yesu akabuka mutwaya tuto tukaba papipi nu buyo bula pakubamanyizya abantu.

Pisinda pache u Yesu akasenda ivibama fayivi ni swi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache ukuti babagabile abantu. U Yesu akabagabila sona abantu bosi iswi zibili zila. Abantu bosi bala bakalya nukwikuta. Po abamanyili bakanyamula ividudunga 12 vivyo vikizula ni vibama, sona ni swi ivyakusyala.