Popular Bible Verses from Luka 7

Share

Polelo nkukubuzya ukuti ulughano ulukulu lulo alanjizya lukusimikizya ukuti imbibi zyache inyinji zyahobokeliwa. Loli umuntu wesi yuyo ahobokeliwa panandi, ulughano lwache lope lunandi.” Po u Yesu akamubuzya umukolo yula akati, “Imbibi zyako zyahobokeliwa.”

Loli u Yesu akamubuzya umukolo yula akati, “Ulwitiko lwako lwakupoka, wende akiza.”

nukwima kwisinda kunyayo izya Yesu, akalila nukunyesya inyayo izya Yesu na masozi ghache. Po akapuputa amasozi munyayo izya Yesu ni sisi zyache, akazifyofyonta, nukuzipungulila amafuta.

sona intakwibika nemwene ukuti ne wakufikapo ukwiza kukwako. Loli nena bulo izyu, po uwambombo wane akwiza pakupola. Pakuti nane bulo, indi pasi pabulaghili ubwa basongo bane, sona pasi papane indi na basilikali ababwite. Nanti nkumubuzya weka ukuti, ‘Bukagha,’ naloli akubuka. Po nanti nkumubuzya uyunji ukuti, ‘Zagha kuno,’ naloli akwiza, sona nanti nkumubuzya umuzya wane ukuti, ‘Bomba ichi,’ po naloli akuchibomba.” Bo u Yesu ivwa zinizi, akaswigha nkani, po akaghalabuka nukuchibuzya ichilundilo icha bantu chicho chikamukonkagha ukuti, “Naloli nkubabuzya ukuti intamwaghite nalumolumo umuntu uwa lwitiko ulukulu ngati we uyu pakasi paba Izilayeli.”

Pakabalilo kalakala u Yesu akapozya abantu abinji ububine ubwakulekanalekana, akefya imizimu imibibi nukubighula amaso abafwamaso abinji. Akazyamula intumi izya Yohani zila akati, “Nyokela kamubuzye u Yohani zizyo mwazyennya nukwivwa. Abafwamaso bakwennya, babo bafuye ivinama bakwenda, na bamambombo bakuswepa, na bamapuli bakwivwa, na bantu abafwe bakuzyuka kubufwe, sona Amazyu Amiza ghakulumbililiwa pakasi pabantu abapina.