Popular Bible Verses from Makụ 14

Share

Ọ sụ: “Nna, Nna, ọo ghu bụ onye l'adụje ike mekota iwhe lile, nafụ mụbe Jisọsu omogo iwhe-ọtsulanu-a! Ọle ọbu t'ọ bọ bụkwa iwhe ọwhu dụ mu l'uche l'e-me, t'ọ bụkwaru iwhe ọwhu dụ gụbedua l'uche.”

Unu cheje nche, kfuje nụ Chileke t'o bo kwe t'unu daba l'iwhe adata. Obu madzụ bẹ l'ọo-nọje ewheshi uwhere ike, obenu l'ọwhube madzụ l'onwiya bẹ tsụru mmẹe.”

T'o dokwaa unu ẹnya ree, l'iwhe bụ ẹka bụ-zhia ẹka, a ryarụ ozhi-ọma-a lẹ mgboko-o gbaa mgburumgburu bẹ l'aa-kọjekwawho akọ iwhe-e, nwanyị-a meru, gude nyatajẹ nwanyị-a.”

Ọ sụ whẹ: “Ha! Meji l'akulẹkwa mu whọ whẹriwheri, mbụkwa nke ọwhu obu l'abya mu echifu.” Woo whẹ: “Unu nọdukwa l'ẹka-a, cheje nche.”

Whẹ gude nri ono l'ẹka eri, ọ bya ewota buredi bya ekele Chileke ekele, ọ nyawaa ya nụ whẹ sụ whẹ: “Unu narụ, ọ waa bụ ogwẹhu mu.”

Ọ bya apalia omogo bya ekelekwawho Chileke ekele, ọ pẹe whẹ iya, whẹ ngụ-dzuru iya. Ọ sụ whẹ: “Ọ waa bụ mmee mu, mmee a gbashịru l'iswi ẹhu igwe-ọha. Chileke gude mmee mu ono eme t'ọgbandzu, shi mu l'ẹka vuru ire.

Jisọsu sụ whẹ: “Unu g'unu ha l'e-be hakọta mu gbalashịa, o noo l'e deru iya l'ẹkwo Okfu Chileke sụ: ‘Mu l'e-chigbu onye l'eche atụru, ọwhube atụru ono agbakashịhu.’

Unu gbashi t'anyi je. Unu lekwa onye ọbu, l'agbarụ mu ye ndọwhu gẹ l'ọobya.”

Jisọsu sụ iya: “Iwhe mu l'ekfuru ghu bụ l'ẹnyashi ntanụ-a; okọku bya l'aryadeshia ọrya ugbo labọ b'i gbee kfuwanu ugbo ẹto l'ị tị madụ mu.”