Popular Bible Verses from Makụ 13

Share

Madzụ lile l'e-kwobe nke l'ọo l'unu bụ ndu nke mu kpọ unu ashị. Ọle onye dụ ike taa nshi nọpyabe mu l'ẹka jeye l'ikpazụ bẹ Chileke l'a-dzọfutalekwaa.”

Unu kwachafụkwa ẹnya, t'unu be ekukwaru mgbẹnya, unu ta amakwa nteke oge ono l'e-rwu.

Nteke bụ nteke whẹ gudeshiru unu, ọbu l'ọo ikpe bẹ whẹ l'ekpe unu, unu be evukwa ụzo chịru uche l'ẹka nke iwhe unu l'eekfu. Unu kfulekwawho iwhe batarụ unu l'ọnu nteke ono, o noo l'ọ tọ bụdu unubẹdua l'ekfu okfu ono, ọo Ume Chileke l'ekfu iya.

Igwe l'a-gvụkwa, alị agvụ, ọle okfu mu ta abyadụ l'e-rebuhu ire.”

“Ọle ọ tọ dụdu onye marụ mbọku ọbu, ọdua l'ọo oge awa iwhe ono l'e-mekaa. Ọ tọ dụkwa m'ọo ndụ-ojozhi, bu l'igwe onye ọwhu marụ iya nụ, Nwa Chileke ta ama iya. Ọlewho Chileke bụ Nna nwẹkiya bẹ bụ onye marụ iya nụ.

T'obu be etekwa unu ete nteke unu l'a-nọ anụ akọ ọgu-egbe, l'alwụ l'otẹnya mẹe ọwhu l'alwụ l'ụkfu ntse, l'iwhe lile ono g'ọ ha mekotajekwa, ọle nteke mgboko l'a-gvụ teke erwukwaa.

Ọ kwa iya whọ bụ t'unu cheje nche, o noo nkele unu ta amadụ mbọku Onye-nwe-uwhu l'a-lwa. Unu ta amadụ ?ọo l'urwẹnyashi tọo l'echi-abalị, tọo l'okọku ọha-ẹnu, tọo l'ụtsu bẹ l'ọo-bata. Ọo ya bụ, t'o bo me lẹ nzirizẹhu byakfuta unu l'ẹka unu l'eku mgbẹnya! Iwhe mu kfuru unu bẹ mu l'ekfukwaruwho madzụ lile. Unu chejekwa nche.”

O noo lẹ mba lanụ l'a-gbashi je alwụshi mba ọdo ọgu, alị-eze agbashikwawho je alwụshi alị-eze ọdo ọgu. Alị-ọnma-jijiji l'a-nma l'ẹka dụ l'iche l'iche. Ejo mkpẹgu l'a-bya. Iwhe lile ono bụkota obebe iwhe-ọtsulanu, g'ọo nteke nka beberu melahaa nwanyị ime l'eme ẹhuka.

Obenu lẹ g'e melezhia, e vufutajeeda ụzo kfudzuru ozhi-ọma lẹ mba gẹ mba ha lẹ mgboko-o tẹmenu mgboko-o agvụ.

O noo l'igweligwe madzụ l'a-zarụ ẹwha mu bya. Onye ọwhu nọnu, ya asụ l'ọo yẹbedua bụ iya, whẹ egude nno duwhua ndu ha l'igweligwe.

“Unu kwachafụkwaru onwunu ẹnya, o noo l'ee-gudeshi unu kpujeru ndu ọgbo-ikpe dụ iche iche, e chia unu iwhe l'ụlo-ndzuko dụ l'iche l'iche, ya abụru iswi ẹhu mu be l'e-kwobe kpụkata unu bya edobe l'iwhu ndu ishi mẹe l'iwhu ndu eze, nnta gẹ l'ee-shi t'unu kfuaru whẹ okfu ẹhu mụbe Jisọsu.

O noo lẹ ndu l'a-nọ adzụ ejire l'ọo whẹ bụ Kuráyisutu, ọdua whẹ bụru ndu nkfuchiru Chileke l'a-dụ-gee nteke ono. Whẹ l'a-nọ emekaa iwhe-awhụrulenya, dụ-gee biribiri. Iwhe ono l'a-bụ-gezhia gẹ whẹ l'e-shi duwhua ndiwhe, mbụkwa je akpaa lẹ ndu ono, Chileke họtaru mẹ whẹ jekwa l'a-dụ ike mekota iya.

“Nteke oke iwhe-ọtsulanu ono gvụleruwho, iwhu ẹnyanwu l'a-gbakọta ọochi, ọnwa anyịhu, ya anọhe echi echichi, kpokponde eshi l'igweli adashị. Iwhe lile, dụkota l'imigwe l'a-nmawokota anmawo sweshihu.