Popular Bible Verses from Jọnu 19

Share

Nteke Jisọsu ngụtaleruwho mmẹe oshihu-ụka ono; ọ sụ: “Ọ gvụwaru.” O whozeta ishi, ọ bụru iya ọtu-buhu ume.

E megelewho, Jisọsu marụ l'iwhe lile gvụkotawaru ntaa. Ọo ya bụ ọ sụ: “Ẹgu mini l'agụkwa mu.” Iwhe ono b'o kfuru nggẹ iwhe e deru l'ẹkwo Okfu Chileke a-vụkota g'e deru iya.

Jisọsu whụlewho ne iya mẹe onye ono, l'etso ụzo iya, o yeru obu gẹ whẹ kfụkube ẹka ono, ọ sụ ne iya: “Nwanyị, lekwa nwa ghu nwoke.” Ọ sụkwawho onye ono, l'etso ụzo iya: “Lekwa ne ghu.” Shitalekwawho mbọku ono, onye ono, l'etso ụzo Jisọsu ono duta Méri lashia ibe iya yẹle iya je eburu.

Whẹ bya erwua ẹka ọwhube Jisọsu nọ, whẹ whụa l'ọ nwụhuhawaruroo, whẹ haa ya, whẹ ta akukwoshihe yẹbedua ọkpa. Tọ dụ iya bụ l'onye ojọgu lanụ agbashilekwawho wota arwa iya nma Jisọsu lẹ mgburẹku. E jia ekfu, mmee yẹle mini shi iya l'ẹka ono alwa patapata.

Iwhe lile ono mekotaru nke ọwhu iwhe e deru l'ẹkwo Okfu Chileke l'a-vụkota lẹge e deru iya. Ọ sụru: “Ọ tọ dụkwa ọkpu, dụ iya l'ẹhu ọwhu a bya l'a-kukwo akukwo m'ọo nnanụ.” Tẹmenu o nwekwaru ẹka ọdo, e deru l'ẹkwo Okfu Chileke sụ: “Whẹ l'e-gude ẹnya whẹ ele onye ono, whẹ nmarụ arwa.”

Ọo ya bụ, whẹ kpụta Jisọsu whẹ l'iya lịru tụgbushia, ọ bụru iya vu oswebe iya ono jeye whẹ rwua ẹka ọbu, l'eekuje “Ọkpokoro ishi.” Iwhe l'eekuje ẹka ono l'okfu Arámayiku bụ Gọlugóta.

Ndu ojọgu bya egude ogvu kpaa okpu-eze bya ekpube iya l'ishi, bya achịta uwe mkpẹelanu, l'eke uswe uswe yee ya.