Popular Bible Verses from Zɛkarya 8

Share

À yin BeYuda na BeIsrayɛl! Raane, bemât yére dyuk bá dusa bemɛn, bá tē, ‘Tik na rezot yerê remo de ra hwo e ra Yuda na Israyɛl re hwo e ra yin!’ Ko ma rɔda sey in; ko jeng de bemât yére dyuk vane ba rɔda tɛ̀ nerat e ra bemɛn, bê tē, ‘Tik na nerat yerê nemo de Dagwi a tɛ̀ e ra Yuda na Israyɛl ne se e ra yin!’ Yaga ano, vɔk in yey ting! Yin vɔk bengyip wɛt!

Ko yin pyɛ́ de yin ê ra à yemo: Há in a bemin tsak o, gas in badu e tē e beduk shɔt min, yaga na yin a sangal tyang. Yin yong begwong de bê mǎ bemin wɛt. Yin sira hin na bɔs e jeng nɔ̂ng nuha wɛt. Me kyɛ́ me ra ano zakzak.”