Popular Bible Verses from Markus 2

Share

Sede Yɛsu a wok ano, a yang ɛn, “Bemat de ba sé tyang be wɔ e lɔ vwoshon wɛt sɛ̌ bemat de be ro ɛn. Ma vey na me ba yila bemat berat wɛt ko vê banɛn.”

Yi ano, Yɛsu a di, yɛn a tɛ̀ gap mɛn e ra yɛ, ko a yâng mwât gbɛrɛ̂k nedem o, “À hwey hom, ba ga hàla a hwo banɛn mō.”

E yɛnɛ mo, Yɛsu a yang ɛn, “Bà tɛ̀ Tuk Shábat yaga mwat, ko bà yong mwat yaga Tuk Shábat wɛt.

Yaga nepyak bemat o yɛn a tɔk wɔ̀ wul na Yɛsu wɛt. Ano, yɛn a raa gwong vɔk e rak o, ko yɛn a kulu raduk tyɛng na kwɔn de Yɛsu a sé ɛ̀. Jeng de yɛn a tɛ̀ repɔk, yɛn a nára mwat o wɔ̀ gyirik na rik, mwa na gwocàre de yɛ a dyɛng ɛ̀.

Ko ma rɔda dura a yin, na yin a tɔk, Me de ma tɛ́ me mwat ma vɔk reto e ngamo e jey na me hàla banɛn.” Ko a yâng mwât gbɛrɛ̂k nedem o, “Ma yang o, sogo, jut gwocàre mō, na hwo kyè vɔk e lɔ!”

E hɛ̌ mo ha dal na be yâng mwât gbɛrɛ̂k nedem womo, ‘Ba ga hàla a hwo banɛn mō’, kɛ be yang ɛ, ‘Sogo, jut gwocàre mō, na hwo kyè!’ arɛt?

E hwomo e bayis mɛn mwa, mwat o a sogo, a jut gwocàre mɛ, ko a nára hɛ. Mwa hɛn, a yang ɛn yɔɔt, ko ba nɔ̂ng Dagwi nerey, ba tē, “Kée! Wot a ga sang di pyɛ cak yerê yemo wɛt!”