Popular Bible Verses from Markus 16

Share

Ko a yang ɛn, “Kyè in vɔk e kahɛ kwɔn e ji jey, na yin a shara a yére bemasî mwa Yɛgɛt Yat.

Ba rɔda tɔk vemo de ba sey tsak o yi e râ pyɛ́ yemo ngan: Yɛn a rɔda paa cēng e ji reza hom, ko yɛn a rɔda ha balem baduk. Ka sede yɛn a hashe begwɔ̄m kɛ ba sɔ nedɔm, ko pyɛ́ mo ya rɔda mǎ hɛn ko tyɔng wɛt. Yɛn a rɔda tɛ̀ vɔ mɛn e ra bemât serɔ, ko ba rɔda tɛ̀ tyang.”

Kawɛ mwat de a sey tsak o, ko be tɛ̀ a yɛ batisma, ba rɔda sey neken mɛ. Ko kawɛ mwat de a sey tsak o wɛt, ba rɔda gang ɛ na shɔt.

E tala mo, bemat mɛ mo ba gasang hɛn, na be kyě shara rehâ Dagwi e kahɛ kwɔn, ko Darwey a sɛlsɛ hɛn. A dura a bemat wɔgɔ, reha de bemât masâ fwom mɛ mo ba kyě shara ra sé tsak o; a dura ano yi e pyɛ̂ bes de yɛn a ra.

A yang ɛn, “Yin kwon ye lot wɛt! Yin a sé jāma Yɛsu wo Nazarɛt de bá kak ɛ e ra cɔ́gɔt. A sé e ngamo wɛt! Ba ga sene hɛ yi e reku! Di in, kwɔn a hemo de bá lasha hɛ ɛ̀.

Yaga gwofwa mo gwa sé gworwey o. Ko sede yɛn a ye ganga, yɛn a di ba ga kana biring gwofwa mo vɔk e vwara. Jeng de yɛn a yel e ji sak o, yɛn a di wen hwak de a tɛ̀ gworugu gwopwɛng, a sé e sangal e vwɔ yege, ko yɛn a ye lot.