Popular Bible Verses from Markus 13

Share

Kawɛ mwat a rɔda ba bɛɛ hin ves, yaga yin e raa me. Ko ba rɔda ba sey mwat de a niri vɔk e yɛnɛ mo.”

Tē in naka, na yin a bɛrɛng nekanang! Yaga yin a tɔk tuk de jeng o yê ra wɛt.

Ko jeng de be ba vos in, na be ba vɔk na yin e nelɔ shɔt, yin sap gyam rehâ pyɛ de yin ê ha wɛt. E jeng o, yin a rɔda ba ha pyɛ de bê nɔng in, yaga a sé e yin de yin ê ba ha wɛt, ko a sé e Gabik Jɛrɛ de hê ha.

Jey tanga lagwi ba rɔda ba tala hɛn, ko reha hom ra rɔda ba tala hɛ ko tyɔng wɛt.”

“Vit a mwat de a tɔk tuk na jeng o, kɛ betom-lagwi kɛ Hwey Dagwi, sɛ̌ Da nju mɛ zɔng de a tɔk.

Yin vo yey wɛt jeng de yin e ba wok rehâ tô como bagat kɛ yikyik ayi. Gbing-gbing na pyɛ́ yane ye ba té, ko jeng ye yɛnɛ mo ya ga vey e ngyen wɛt.

Yaga ano, bɛrɛng hin nekanang arɔng, yaga yin a tɔk jeng de dalɔ mo ê pom wɛt: Ê tɔk sè nawiri, kɛ nakabadem, kɛ e rwa-hwol gasi rey, kɛ e rwa hwol gasi cereng. Ka sede a pom pút, yɛ a sɛ̀ in e de nevwa wɛt. Pyɛ de me ha a yin ya sé yaga bemât mwa arɔng: Bɛrɛng hin nekanang!”

Yerê bemât jey ya rɔda ba tó como na bemɛn, ko yere arɔng ya rɔda ba tó como na yere cak. Vwel ha rɔda ba digis e nedem detidetu, ko vyong ya rɔda ba sè. Pyɛ́ yemo ya sé sede mɛsɛ̂ng rûs tɔ́.

Gbing-gbing sɛ̌ bemat ba tānga shara a yerê bemasî mwa e jey Yɛgɛt Yat.

Bemat pyak ba rɔda ba vey e ji reza hom, ko kawɛ e ji mɛn ê ba ye, yɛ a sé me. Ko yɛn ê ba tɛ̀ bemat pyak be vuru gwong.

“Tē in naka na bato min, yaga ba rɔda ba vos in, ko bê ba nása hin e nuyêl bemât shɔt. Yɛn a rɔda ba dak in e beduk re fongol; be ba yila hin e nuyêl begbɔng begwɔ̀m na begwɔmna, yaga yin e raa me. E jeng o, yin a rɔda ba nɔng nuha e ra Yɛgɛt Yat e nuyel mɛn.

Yaga bemât bɔs de be tē, yɛn a sé vemo de Dagwi a kasa, tanga bezarap Dagwi vê bɔs ba rɔda ba nusu. Yɛn ê ba ra pyɛ̂ bes, ko bê to ba dúsa pyɛ́ de bemat ba rɔda ba langat hɛn, yaga na be kwɛlɛng mɛ̀ bemat de Dagwi a ga kasa, ka sede yɛn ê tɔk ra ano.

“E bamâ jeng reyɔm yane, gwi gwa rɔda ba tɛ́ ɛ mwangalang, ko pwɛl gwa rɔda ba pɛngɛ wɛt, netangacɛn na rɔda ba gabsa yi e lagwi, ko pyɛ́ de ya vɔk reto e gwi ba rɔda ba kàsa yɛ̄ e begwông yɛ̄.