Popular Bible Verses from Matayus 21

Share

Ka sede yin a tɛ̀ gap min e ra Dagwi, ko yin a rɔda sɛ̀ kayɛ pyɛ de yin a lolo yɛ e ji won o.”

Yɛsu a toyo a yɛn, a yang ɛn, “Mwin me ha a yin: Ka sede yin a tɛ̀ gap min e ra Dagwi, na yin a tó yey wɛt, ko yin a rɔda tɔk ra pyɛ de ma ra a retîn regwi remo zɔng wɛt, ko yin ê tɔk yâng raku womo, ‘Sogo, na hwo wɔ̀ gaba e ji gworep’, ko pyɛ mo ya rɔda té.

Bagyɛng bemat de ba sé kyè e nuyêl Yɛsu tanga vemo de ba sé raa hɛ e bama ba hwo gbɔ, ba tē, “Hosana! Bē somo Hwêy Davit! Tik na Dagwi a tɛ̀ nerat e ra womo de e kyè vey e ji rezâ Darwey! Bē somo Dagwi!”

A yang ɛn, “Bà jɛk e Bwok-basa Dagwi wɔgɔ, Dagwi a ye, ‘Ba rɔda tâng lɔ hom, à duk won.’ Ko yin, yin a sé tɛ̀ hɛ he tɛ́ ɛ fwarâ begbik!”

“Yang in repomô Siyɔn, ‘Di, gbɔng gwɔ̀m mō a sé kyè vey na hwo! A dyɛng to mɛ, ko a sé laga madung, a sé laga hwêy madung.’ ”

Yɛsu a to yang ɛn, “Yin a ga sang basa há de bà jɛk e ji Bwok-basa Dagwi wɛt arɛt? Hā ye, “ ‘Gwofwa de bemât lɔk duk ba kyɛ́ ɛn gwɛ wɔgɔ, gwa vɔk fwom wɛt, e gwɛ de gwa tɛ́ ɛ gbɔng gwofwa râ fwom. A sé e Darwey de a ra ano, ko na wot, a sé pyɛ langat sizɔng!’

“Yaga ano, ma sé ha a yin, yin a sé vê Segwɔm Dagwi, ko Dagwi a rɔda sey ɛ̀ reto min o yi na yin, na a nɔ̂ng bemat behak de ba rɔda ra tomong de ba sé tyɛng na pyɛ́ de Dagwi e simo.