Popular Bible Verses from Matayus 19

Share

Yɛsu a bɛrɛng hɛn, a yang ɛn, “Bemat be tɔk ra pyɛ yemo wɛt, ko Dagwi e tɔk ra kayɛ pyɛ.”

Yi e ngamo nuyel, yɛn a to sé beba wɛt, ko ba sé pyɛ jining. Yaga ano, pyɛ de Dagwi a ga wuna, mwat a kwon gas yɛ wɛt.”

Yɛsu a yang ɛn, “Yin a ga basa pyɛ de bà jɛk e ji Bwok-basa Dagwi wɛt arɛt? Bà jɛk wɔgɔ, e susu mo, Dagwi à yong bemat, rwas na hwā. Ko à ye, ‘Pyɛ ma yemo de ya tɛ̀, rwas a rɔda tik da mɛ na dē mɛ, na a wuna hɛ na hwā mɛ, ko yɛn beba mo ba rɔda tɛ́ ɛn rebek rining.’

Yɛsu a yang ɛn, “Tík in nèy na ne vey na me! Yin ro nɛ wɛt, yaga e bemat sede yerê nèy nemo de ba rɔda ba sangal e Segwɔm Lagwi.”

Ko pyak e ji vemo de ba sé vê yel a remo ba rɔda ba tɛ́ ɛn vê bama; ko pyak e ji vemo de ba sé vê bama a remo kwong ba rɔda ba tɛ́ ɛn vê yel.”

Ko kawɛ mwat de a ga tik nelɔ mɛ, kɛ begwa mɛ, kɛ da mɛ, kɛ neng mɛ, kɛ nèy mɛ, kɛ cāp mɛ yaga me, a rɔda sɛ̀ pyɛ́ de ye ba dal ano zang naga, ko a rɔda ba sey neken gbak-gbak.

Yɛsu a yang ɛ, “Ka sede hwó simo na hwo sila gyat, ko ci wɔ̀ row kayɛ pyɛ de hwà vɔk, na hwo gas a bepɛng dyām o, ko hwà rɔda ba sɛ̀ yas e lagwi. E bama mo, vey, na hwo ba raa me.”

Ko Yɛsu a yang ɛ, “Yaga sɛ́ de hwó rangal me e ra rehâ pyɛ de ya sé ryat arɛt? Mwat a sé gwining zɔng de a sé rwat. Ka sede hwó simo na hwo sɛ̀ neken, ko hwo gyenges badu Dagwi.”

Me to me ha a yin: E ba sè nduga maryat wo yel e rewôl kwêt tolo, na darwey a yel e ji Segwɔm Dagwi.”

Ma sé ha a yin, kawɛ mwat de a ro hwā mɛ, sɛ̌ yaga á kana ra nejwang, ko mwat o a to vo hwā mo hwak, a sé ra nejwang.”

Ko Yɛsu a yâng bemât masâ fwom mɛ, “Mwin me ha a yin: E ba sè gbang na bedaberey be yel e Segwɔm Lagwi!