Popular Bible Verses from Matayus 18

Share

Yaga e kwɔn de bemat beba kɛ betat ba tula hɛn ɛ̀ e ji reza hom, ma sé e hwomo e tē mɛn.”

“Ko me to gwɛ̌ ha a yin: Ka sede beba e ji min e ngamo e jey ba wuna nu e ra pyɛ cak de yin a ra wôn yɛ, ko Da hom de a sé e ji lagwi a rɔda ra a yin yɛ.

Yɛsu a yila hwey hak, a tɛ̀ hɛ he tumal e nuyel mɛn, ko a yang ɛn, “Mwin me ha a yin: Sɛ̌ yin a sege negwɔn min na yin a tɛ́ in sede nèy, ko yin ê sang yel e Segwɔm Lagwi wɛt.

Kawɛ mwat de a dyɛng to mɛ na a sè sede hwey hemo, e yɛ wɛ de a dal na nerey e Segwɔm Lagwi.

Kawɛ mwat de a sey hwey sede hemo e ji reza hom, a sé e me de yɛ a sey.”

“Mwin me ha a yin: Pyɛ de yin ê ye wey a yɛ e ngamo e jey, Dagwi ê ye wey a yɛ arɔng. Ko pyɛ de yin ê ye ey a yɛ e ngamo e jey, Dagwi ê ye ey a yɛ arɔng.

“Gwong a gwomo de Da hom e ji lagwi a rɔda teshe na kawɛ e ji min, ka sede yin a hàla a gwa min na yey rining wɛt.”

“Ka sede mwat hwak a tɛ̀ hining e ji nèy nemo de na tɛ̀ gap mɛn e ra me, he tik nà tɛ̀ gâp hɛ e ra me, ê dal a yɛ ka ba rɔgɔs gbɔng gwofwa hwongo e fwɔ mɛ, na be bomo hɛ mɛ̀ pyɔp e ji gworep de gwa sé ciwil.

“Yin ê ye ala? Ka sede mwat a vɔk tyīmit naga, ko jining e ji yɛ̄ ya vuru hɛ, e sɛ́ de ê ra arɛt? Ê hàla bwang yemo de ya sé kuru shabatat na yɛ shatyat (99) e de rê sehwey e vwarâ raku, na a wɔ̀ jāma yane de ya vuru hɛ mo.