Popular Bible Verses from Luka 8

Share

Ko yére de ba bere e ji nefongol nerat kwong ya sé sede bemat de be wok reha mo, yɛn a vɔk rɛ naka na yey rining, be gyenges rɛ, ko yɛn e niri, sɛ̌ ba sɛ̀ pyɛ ryat yi na yɛn.”

Yére yemo arɔng de ya gaba e ji serɔgɔ ya sé sede bemat de be wok reha mo, ko hywɛ-hywɛ bɔrɔ̂k pyɛ̂ jey, na netâ yas, tanga raà netâ pyɛ̂ jey yemo ne sila neyey mɛn, ne vo reha mo, ko be sɛ̀ pyɛ cak yi na yɛn wɛt.

Yére de ya gaba e ra kusha ya sé sede bemat de be wok reha mo, ko be sey rɛ na yey pyɛng. Reha mo re tɛ̀ berinis wɛt, yɛn e sey tsak o jeng tyɔng zɔng, ko e jeng setɔgɔs yɛn e to ɛn na bama.

Ko a rangal hɛn, a ye, “Yaga sɛ́ de yin a tɛ̀ gap min e ra me wɛt arɛt?” Yɛn a wok bengyip, ko yɛn a langat hɛn, ba hwo tâng bemɛn, “Kée! E wɛ̌ mwat a womo de a nɔ̂ng gwogul na nshi nu, ko be gyeng há mɛ arɛt?”

Yére de ya gaba e ra gwong ya sé sede bemat de be wok rɛ. Ko gwɔ̀m cēng e vey, ko e hashe reha mo yi e neyey mɛn, yaga na yɛn a kwon sey tsak o, na be sey neken mɛn wɛt.

Vit a pyɛ de ba ga kana lɛrɛ, de ba rɔda ba nusu na yɛ e jey wɛshɛrɛk wɛt; ko vit a pyɛ de ba ga kana bang, de ba rɔda tik nà tɔk yɛ na be to wunta yɛ dɛdɛrɛng wɛt.

Jeng de hwā mo a di, a tɔk lɛrɛ tó mɛ wɛt, a wɔ́ na vôw rebek, ko a gaba e nuyêl Yɛsu. E hwomo e bayîs kawɛ mwat, a ha a yɛ pyɛ de ya tɛ̀, a ra ɛ, na gwong de a tɛ̀ tyang e ji jeng o. Yɛsu a yang ɛ, “À hwóng hom, ba ga tɛ̀ o tyang, yaga hwà tɛ̀ gap mō e ra me, mê tɔk tɛ̀ o tyang. Kyè tyang kala!”

Bemât masâ fwom o ba wɔ́ na Yɛsu, ba shina hɛ, ba yang ɛ, “À Da, à Da! Wot a sé kyè wɔ̀ ye pyɔp!” Yɛsu a sogo, a gyong gwogul o tanga bagun nshi de ba ra yol, ko gwogul o gwa tumal, ko kwɔn o ha ye yuu.