Popular Bible Verses from Luka 14

Share

“Kawɛ mwat de e simo a raa me ê tɔk sè mwât masâ fwom hom wɛt, sɛ̌ a tɛ̀ yey na me e gwong de gwa dal gwomo de a tɛ̀ yey na da mɛ, na neng mɛ, na hwā mɛ, na nèy mɛ, na begwa mɛ beras na beha, mwa na yɛ pyɛ mɛ arɔng.

Ko kawɛ mwat de e jut cɔ́gɔt-kak mɛ na a raa me wɛt ê tɔk sè mwât masâ fwom hom wɛt.

Yaga kawɛ mwat de a jut tó mɛ, a sé gbɔng o, Dagwi a rɔda tɛ̀ ɛ na a dyɛng to mɛ; ko yɛ de a dyɛng to mɛ, Dagwi a rɔda tɛ̀ ɛ a sè gbɔng o.”

Ano arɔng, vit a mwat e ji min de ê tɔk sè mwât masâ fwom hom, sɛ̌ a tānga hàla kayɛ pyɛ.”

“Sede wot a ye: Hwak e ji min e simo a lɔk gbɔng lɔ lis vɔk e rak o. Ê tānga sangal e ngyen, na a basa nepyak dyām de a rɔda wey mɛ̀ e de fwom o, na a di kɛ a vɔk pyɛ de yê vey a yɛ na a yɛnɛ mɛ̀ fwom o wɛt arɛt? Ka sede a ra ano wɛt, ko jeng de a bomo retis o, a de tɔk yɛnɛ hɛ wɛt, ko bemât mwa de ba di hɛ ba rɔda shɛgɛsh hɛ, bê tē, ‘Mwat womo a hwo lɔ̂k lɔ, ko a tɔk yɛnɛ hɛ wɛt!’

Ko jeng de hwà rini bemat vey e de gbɔng nzem, rini bepɛng, na vemo de be yɔmɔng, na vê nà bol, tanga bebók. Yi ano, hwà rɔda vɔk yey pyɛng, yaga yɛn ê tɔk to tala hwo wɛt. Ko Dagwi a rɔda ba tala hwo tuk de a rɔda ba sensa vemo de ba sé berat yi e reku.”

“Nevwashe na sé naka, ko ka sede na tik tâ nɛ, e rɛ̌ de bê to tɔk tɛ̀ nɛ ne ta arɛt? Nà to vɔk nerat nehak e cap kɛ e gwɔ̂t fongol wɛt, sɛ̌ be losho nɛ kpɛɛ zɔng. Mwat de a vɔk betong, tik na yɛ a wok!”