Popular Bible Verses from Yohana 3

Share

“Dagwi a tɛ̀ yey na bemât jey sizɔng; yaga ano, a nɔng Hwey mɛ de ha sé nju hɛ zɔng, yaga na kawɛ mwat de a tɛ̀ gap mɛ e ra hɛ a bin wey wɛt, ko na a sɛ̀ neken gbak-gbak.

Yaga Dagwi a tomo Hwey mɛ, na he gang bemât jey na shɔt wɛt, ko a tomo hɛ, yaga na a sey neken mɛn yi na hɛ.

Yɛsu a yang ɛ, “Tsak o mwin me ha a hwo: Vit a mwat de ê tɔk di Segwɔm Dagwi, sɛ̌ ba tɔ ɛ tɔ hê neba.”

Kawɛ mwat de a tɛ̀ gap mɛ e ra hɛ, bê gang ɛ na shɔt wɛt; ko kawɛ mwat de a tɛ̀ gap mɛ e ra hɛ wɛt, Dagwi a ga gang ɛ na shɔt, yaga a tɛ̀ gap mɛ e ra hemo wɛt de ha sé Hwey Dagwi nju hɛ zɔng.

Gwong a gwomo de Dagwi e ra a bemat shɔt: Negbey na vey e jey, ko bemat ba dal na simô lwīl e ra negbey o, yaga be ragas pyɛ́ vyes.

A sé gbing-gbing na yɛ a gwɛ̌ hɛ na nerey, ko me, me tɛt me na nerey.”

Kawɛ mwat de e ragas pyɛ́ vyes e kyɛ́ ɛ negbey, e tele yi e negbey, yaga na bemat be kwon di pyɛ́ vyes de e ragas wɛt.

Kawɛ mwat de a tɛ̀ gap mɛ e ra Hwey Dagwi a sɛ̀ neken gbak-gbak; ko kawɛ mwat de a gyenges hâ Hwey Dagwi o wɛt a rɔda sɛ̀ neken o wɛt, ko Dagwi ê re nuyel na tɛ̂ shom e ra yɛ.”

Yimo raane, jeng de Mose tanga bemat mɛ bà kana sè e hey, Mose à tɛ̀ gwɔ̄m de ba yông na dyam shi e ra gwocɔgɔt, ko à nára wɛ e rak o. E gwong gwomo, a sé gbing-gbing na be nára Me de ma tɛ́ me mwat e rak o arɔng

Dagwi a tɛ̀ yey na Hwey mɛ, ko a to nɔ̂ng hɛ reto e ra kayɛ pyɛ.