Popular Bible Verses from Yohana 2

Share

Pyɛ bes yemo de Yɛsu a ra e Kana wo Galili ya sé ye mɛsɛng de a ra. Yi na yɛ, a dura a bemat gbɔng nerey mɛ, ko bemât masâ fwom mɛ ba tɛ̀ gap mɛn e ra yɛ.

A toyo a yɛ, a yang ɛ, “À neng-gwɔ, e fwom hom a gwane arɛt? Jeng de ma rɔda dura tó hom ya rɔngɔl e ngyen.”

Yɛsu a hwo yâng bemât fwom o, “Sila hin kɛngɛ mo na nshi.” Ko ba sila vɛ byɛf. Jeng de ba sila kɛngɛ mo, a yang ɛn, “Vɛ́ in nshi mo, na yin wɔ̀ nɔ̂ng dâ nzem o.” Ba ra sede remo de a ha a yɛn.

Ko Yɛsu a yang ɛn, “Gangas hin Gbɔng Duk Re Fongol womo, ko mê to lɔk wɛ e ji nepɔlɔ netat.”

A jut rik, a vɛ́ mɛ̀ zining, ko a ro mɛ̀ bemat o mwa yi e yɛnɛ̂ duk re fongol o, mwa na tyīmit tanga berɔndɔng; a gangas betebut bemât segsâ dyām arɔng, ko a waram a yɛn dyām mɛn e vwel gwɛshɛk. A nɔ̂ng bemat de ba rɛsɛl bebɔp nu, a ye, “Nusu hin na pyɛ́ yemo! Yin jut lɔ Da hom sede bajang wɛt!”