Popular Bible Verses from Susumo 39

Share

Yɔsɛf a sé sangal e ji lɔ dalɔ mɛ WoMisra mo, e rá fwom. Dagwi Darwey a sɛlɛ hɛ, ko yaga ano, a di wɛng e ji kayɛ pyɛ de a ra. Dalɔ mɛ a di pyɛ́ yane mo

A tik pyɛ́ mɛ mwa e vwɔ̂ Yɔsɛf. Pyɛ mɛ ya to sé na râ pyɛ cak wɛt, sɛ̌ pyɛ́ de e re zɔng. Yɔsɛf á sè mwat o hwɔf, zɛrɛ mo.

ko a tɛ̀ ɛ mwât nuyêl mwâ bemat de ba sé re ngyang, na mwa fwom de be ra e hwomo.

A tɛ̀, be rɔgɔs hɛ e lɔ̂ ngyang, e kwɔn de gbɔng gwɔ̀m e rɔgɔs ɛ bemat mɛ. Ko mwa ano de Yɔsɛf a sé e lɔ̂ ngyang, Dagwi Darwey á sè tanga yɛ, a dura a yɛ nerat mɛ. Yi ano, yêy gbɔng mwât bɛrɛ̂ng lɔ̂ ngyang ya pɛngɛ na yɛ

Ba sé sangal ano, ko hwâ dalɔ̂ Yɔsɛf a tɛ̀ bayis e ra yɛ, a dura a yɛ simo, ko tuhak a yang ɛ, “Dyɛng na me!” Ko a kyɛ́ ɛ, a yang ɛ, “Di, a remo de ma sé sangal e ngamo, vit a pyɛ de dalɔ hom e sap e ra yɛ, a ga nɔ́ng me kayɛ pyɛ de a vɔk e ji vwɔ hom. A vɔk reto e lɔ mo de ha dal nang wɛt. A ro na pyɛ cak e me wɛt sɛ̌ hwo zɔng, yaga hwà sé hwā mɛ. Yi e rɛ̌ de mê ra gbɔng pyɛ vyes yemo ano, na me ra a Dagwi renɛn arɛt?”

Ko tuhak Yɔsɛf a yel, na a ra fwom mɛ e ji lɔ. Vit a mwât fwom hwak de a sé e ji lɔ, ko hwā mo a kaba rugu mɛ, a ye, “Dyɛng na me!” Ko Yɔsɛf a hàla a yɛ rugu mo e vwɔ mɛ, a tele vɔk e majey.