Popular Bible Verses from Mak 16

Share

Inenibe ema, “Ìje ìkana otutuuk linyọn̄, mè ìlook otutuuk ebilene ata etip eyi Awaji.

Ebi ìchechieek mêkaan̄ inu ijejeen̄ kechi: Ema mêsa erieen̄ n̄a irieen̄ ijo erumun̄ isibi me emen ene, ema mêtumu nke nke usem. Ire ema itet ubọk me lek ijijinu, mè ìyaka ire ibọk ke ema enwọ, unan geege ìkposak ema me lek. Ema mêtoon̄ ebi orukan̄ ubọk me ibot, mè lek ebi orukan̄ ònye.”

Ene geelek òchechieek mè igwook mun̄, mênyan̄a ene ya. Ire, ogwu geelek ikachieekge, mêtip ogwugwa oyerebet mkpa.

Ebi udun̄ kan̄ ekekijijen̄e ikana ikilook ata etip eyi Awaji me ere geelek. Okaan̄-ene okekigọọk ema igbaan̄ isi ikwaan̄, mè ikisa me owuwa inu ukechieen̄ ikirọ ikọ kan̄ echi ema ekitumu inye.]

Gwun̄ enerieen̄ ya obebe ema, “Ikariki! Nriọọn̄ ibe ke enyi ekiweek Jisọs ogwu Najeret, ogwu egonbe ikpan̄ me inyọn̄ uti nkwurieen̄. Îjomo me mkpa, ìkakup me ere keyi. Ìna ìnikpọ ere emaan̄be nkwukwu kan̄.

Ewuuk ya îmin enenen. Ire, mgbọ ema erebe ere ya, ema emumun̄ ibe ke mîkpukpọt ewuuk ya isan̄a me otu udọn̄ ya. Ema eninin̄ emen udọn̄ ya, mè imun̄ gwun̄ enerieen̄ ge osikibe ikweek me agan̄ ubọk ulom, mè ofọnti okuket me lek. Ema eririki.