Popular Bible Verses from MATAYO 5

Share

Ak ma inaami piik tait, ak konde kitonget oriit, ago indoi kiit ne tonone; ak kokweng'ji piik tugul che mi ko. Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

Oo lapkeiyatap ng'wony. Ma kimuuchi keuny nganaseet ne mi tulweet parak.

Poiboen che tiliileen mugulelwek, amu tuun keerei Kamuktaindet.

Poiboen che amei rubo ak melelda agobo imanda, amu tuun piyang'dos.

Ago amwaiwok ale, Ocham puunikwok ak osachi icheek che usook

Poiboen che ponoon eng' muguleldo, amu nenywa pounatetap kipsengwet.

Poiboen che yaei kaalyeet, amu kiguure weeriigap Kamuktaindet.

Poiboen che aragendos, amu tuun kigoigoi.

Poiboen che kageusaus agobo imanda, amu nenywa pounatetap kipsengwet.

Poiboen che rireegei, amu tuun nyooru ak icheek rireenetapkei.

Oboiboi ye churook piik, ak ye usausook, ak ye mwaitaenok yaityet age tugul kong'oochook agobo anee. Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

Poiboen che talaen, amu tuun punjin ng'wony.

Oo muunyugap ng'wony, ago ngo pet anyinyindap muunyuk, kotagenyoorundo ano anyinyindo? Kobooch yooto koma kotilei kiy, ago ketumda ak kotyegaat piik.

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

Ago ingoek ng'alaaleng'wong', wei ko wei anan achicha ko achicha; ak kiy age tugul ne siirei chuuto kobunu ineendet ne ya.

Ki ogas keele ki kimwa keele konda eng' konda ak keldet eng' keldet. Ago amwaiwok ale, Amogirinde ne ya; ago age tugul ne irabaachin matandap tai, iweekyi age agine.

Ngo riichin kondang'ung' ne po tai, ibalu ak iwiirte; kaigai eng' inyee ngo petenen kebeberta agenge eng' poorto kosiir ketoorchi Gehenna poortang'ung' komugul. Ak ngo riichin eung'ung' ne po tai, itil ak iwiirte; kaigai eng' inyee ngo petenen kebeberta agenge eng' poorto kosiir kwo Gehenna poortang'ung' komugul.