Popular Bible Verses from MATAYO 4

Share

Ago ki wolji kole, “Siraat, ‘Ma sabei chii eng' magatyat ineegei, ago eng' ng'olyoot age tugul ne mang'une kutitap Kamuktaindet ne Toroor.’ ”

Ki leenji Jeso anyun, “Istegei, Setani; amu siraat kole, ‘Ilasu Kiptaiyat Kamuktaindeng'ung', ak iboisyechi ineendet ineegei.’ ”

Ki leenji Jeso, “Siraat kogeny kole, ‘Meyoom Kiptaiyat Kamuktaindet ne Toroor neng'ung'.’ ”

Ki imut anyun Kabuuset ne Tiliil Jeso kotogosta kwo surkwen si koyoom chesawilyet. Ak ye kingo kagorugutkei peetuusyek artam ak kemousyek artam eng' let koam ruhebeet.

Ak koleenji, “Obwa osubwo, si ayaak oegu ramiigap piik.” Ak eng' yooto, kobagaach regereiywekwak ak koosup ineendet.

Kobooch yooto kotoi Jeso koamda, kole, “Osigu, amu kagoriik pounatetap kipsengwet.”