Popular Bible Verses from Matayu 26

Share

Diyam tako rakot mau paki meŋenkau, ŋine yale okan mage, baŋ peleke more, liwe liwek borikino ket qekei. Asuŋineŋo yemo eweke more kine kine okaniyakane okanmaike, ŋo solaŋineŋo yemo umareki paki, zonomine midaine okanmaike.”

Paki edane rake, “Kotono umat zok kakapa suwaine wakonane more, eyaŋo ki pelek naniyakane okanmaike, eya waneŋine iwa narop weneŋ wet wisika mere, diyam maikei.”

Yale edane more, eŋe eri ekeket biraone ariki paki, eŋe eŋineka meine ket kepo kito more iwa yale ra meŋen-kake, “Magane, ge detnom iwa maine okanmaikeo, yemo wikilane lase iwa oma nannom! ŋo siluŋ naŋane don mida, geŋane don togoleyake.”

iwamo nae weŋemne, eya wane ra more, Kaisaleŋo ŋinerop baŋ tako rakot geyake. Naŋane weŋemne yemo, ŋei ŋerep korop ŋinane Borikineŋine saukeyakane qake kesiyake.

Eŋe ŋara ne metpi, eyaka Yesu eŋe kasap ma more bakom kitoki paki, dokoine ebone rake, “Mau paki neu, iwa nae bikumne.”

Pakiso, eŋe wain lase ma more, Kaisale bakomine kitoki paki, dokoine ebone rake, “Ŋine korop iwa neu

Yale ra meŋenkaki paki, zinge ari dokoine karewe metkoi, eŋe ongi kuluka pakoi, pakimo eŋe Petoro olale rake, “Ŋine ŋei karewe iwa daleo wane mi ewekeu paki, narop wan auwa diyam wet wisika mi gemami!

Na ŋidanbe detpi, na baŋ koso ŋinerop wain iwa manerop mi nene, yaupka ge arimage, kaiwe naso yewao na wain musele, eya ŋinerop weneŋ Maganane gege togon kotino nekene.”

Pakiso Petoro eŋe Yesuŋo don iwa yale olatke, “Ge atak karewe, mi det kamaile, ra bisop nannom, tiyakŋo atak karewe bokayake.” Eya detsoroke more, saket ariki paki, wetine tabaeki zok arokke.

Wiyeu, ŋene ariŋem, kau, ŋeiwa ma wakon naniyake, mo iwa sarimaike!”

Yale okangi Yesuŋo olatke, “Ge pilaŋŋone koso biranom, matno ketkep, onoka wane ŋei korop pilaŋ ma okanmami, eŋe pilaŋ yewaŋo enguki seuk okanmami.