Popular Bible Verses from Luka 8

Share

Ŋo woune natne kepe kelokinerop eyao ket kitokoi, eya yemo ŋei ŋerep natne eŋe Kaisale wane don dere more, ma wet wekumaneŋo nogankau paki ma more qotkakoi, eya wane eŋe togole togoleenane wele maine qekei.”

Woune natne eŋe touk okolerop eya wane koto ket kitokoi, eya ŋei ŋerep natne eŋe Kaisale wane don detkoi, ŋo kepe kutno gege wane umat so wesi aboŋ suwaine maratka maratka so kine kine natne eya wane bailalaŋ, eyaŋo ŋei ŋerep eŋane kotoeno waket more, Kaisale wane don kotoeno piseka more walipkaki, wele maine mi qekei.

Woune natne kepe wesi tabilainerop eya wane kutno ket kitokoi, eya yemo ŋei ŋerep natne eŋe Kaisale wane don ikop dere ma more bakom kitokoi, ŋo don eyaŋo eŋane wet derereteno togole mi waket meki, eŋe naso bomitneka malipkau, umat natne wakongi, Kaisale wane don eya ikopkamde qeliŋkaikei.

Pakiso, Yesu eŋe dokoine edange, “Ŋine mali malip ŋine mida!” Ŋo eŋe oŋaene qaeki, so kaet suwaine okane more, enŋene auye rakoi, “Ŋei iwa eŋe zok ŋei kine mane! Eŋe momo so dibom don etangi, ere yewaka done dere teweke more, doŋ manmamik.”

Ŋo woune natne dumao ket kitokoi, eya yemo ŋei ŋerep natne eŋe Kaisale wane don naso bomitne so bamgoka detkoi, ŋo, Ŋei Borikineŋo sari more Kaisale wane don eya ŋei ŋerep natne eŋane kotoeno yasoke, yewamo ma biraki saket eŋine biŋek ariyake, pakimo ŋei ŋerep eya eŋe Kaisale wane don eya mi malipkau ma menaŋ-oniyake.

“Eya wane kine kine korop sane pamaike, eya na ŋado didiwo mawe wakon wareyake. So kine kine natne supawe metmaike, eya ŋado na ma lalagewe didiwo wakon wareyake.

Yesu eŋe ŋerep wane masi eyamo detlukke paki, eya wane eŋe qesonge pakimo ŋerep eŋe zok zonomine manerop oreki, sari Yesu wane kino ket rasu more, ŋei ŋerep kaiteno eŋe Yesu mo uwakeke, eya wane ikopka menaŋkaki ra wakon edange. Rakiso, Yesu eŋe olale rake, “Borasone, mali malipŋoneŋo ma menaŋ ganmaike, eya wane ge maine ari more wet maepko gekene.”

Dokoine eŋe Yesu wano ari ma wirikka rakoi, “Waomze, Waomze, ŋene mo seukkenane okanmaine!” Yesuŋo wiye more, togoleka kuroge, momo so dibom doŋ mane more kaloŋ qekeik wane etange. Paki momo so dibom ere doŋmangoik, so kaloŋ suwaine qe pake.