Popular Bible Verses from Luka 18

Share

Pakiso Yesu eŋe dokoine don rokop iwa edange. Eŋe eŋine dokoineŋo Kaisale wano naso baŋem mi pelekeu paki, togole more meŋenkaikei wane edange. Eŋe meŋe meŋen urata maine mi qeliŋkaikei, eya wane eŋe don rokop eya iwa yale kito more dokoine edange

Yalewaka, ŋine Kaisale mapik ŋuniyakane eŋano kaiwe so ruwo naso baŋem sorin borin aroke meŋenkaikei. Eŋe eŋine ŋei ŋerewekoune wanokone more, ikopka mapitoniyake, ŋo Ŋei Wawainane Gipoleŋo kepo koso zinge sari more, ŋei ŋerep eŋe Kaisale malip kamami, eya maratoniyake, me mida?”

Yesu eŋe mainge rake, “Kepeo ŋei ŋerep ŋine ŋaŋaemami, ŋo Kaisale wekuŋo mi ŋaŋaemaike, Kaisale eŋe kine kine korop ma wareyakane, eŋe maine mi qekayake.”

Naso kiroroine okangi, so wano wanok ŋei eŋe mi mapik kayakane rake, ŋo, naso kiroroine okangiso, eŋe iwa yale wetino detke, ‘Na Kaisale wane mi kaet nanmaike, so na ŋei mane wane ewine mi kitomaile, Ŋo ŋerep iwa, eŋe naso baŋem sari more qesonnane more, sorinnane umat suwaine ninge, eya wane na eŋe mapik kaikale. Na mi mapik kaikaleo, eŋe sari meŋennan mageki, na eŋane don wane zok bauwawa okanikale!’ ”

Ŋine don iwa detsoroke detlukkei, medep nigatne eŋe Kaisaleŋo ware-oniyakane simin-onmaike, ŋo ŋei natne eŋe Kaisaleŋo ware-oneyakane mi simin-onmaikeo, eŋe Kaisale wane gege togon kepe eya wane kotino mi wakesikei.”

Ŋo Yesu eŋe medep nigatne eŋano sarikei wane edorake, “Qeliŋonbi! Medep nigatne eya naŋane osono maine sariu, ŋine misuk rawetonikei, Kaisale eŋe ŋei ŋerep medep nigatne iwa yaline eŋane rokopko wareoniyakane siminkake.

Yesu eŋe olatke, “Ge deŋone pore kanom, ge naŋano mena menaŋ wane zonomne detlukka more, malipnannom paki, eya wane menaŋmaine.”

Yale rakimo, Yesuŋo olatke, “Ge onoka wane na ‘Mayakatne’, noramaine? Kaisale wekuŋo mayakatne.