Popular Bible Verses from Luka 17

Share

So Yesu eŋe takotke more olatke, “Ge wiye arinom, ge naŋane don mo malipkamaine, so mali malipŋonane menaŋmaine.”

Eŋe masi borikine geŋano atak sewen, kaiwe wekuo ma more sari more rokop atak sewen rapoke golasiyakeo, me qom borik don golasiyakeo, ge sot turuŋine qelige manikene, so ge iwa yale olasikene, ‘Na sot turuŋŋone mo qeliŋmaile.’ ”

Ŋei maneŋo solaine kaki menaŋgi, so eŋe Yesu wano zinge ari, Kaisale wane eŋetine ora mawaka more suwaineze oi bakom okankake. Eŋe Yesu wane kino ket rasu more, ewine kitoke, ŋei yewa eŋe Samariya welaine mane, eŋe Yuda tego ŋadino ŋine.

Eya wane ŋine kine kine ma more kaulukkei. “Kimaŋone eŋe masi borikine mayakeo, ge maine eŋano ari girem olale more, rawetkanom, eŋe sot eya ŋadekkayakeo, ge maine sotine qelige turuŋine birakene.

Pakimo Yesu eŋe olale rake, “Na ŋei 10 ma menaŋonile, ŋei natne 9 eŋe diyao arimami?

Waomzeŋo mainge iwa yale rake, “Mastet woune eŋe niga nigatne okanmaike pakimo ŋinane mali malipŋine eŋe woune yale waka nigatne okaniyakeo, ŋine eki suwaine yewao maine olasikei, ‘Ge wiye lolige ŋodoŋonerop ari kiwetko okoranom!’ Ŋine yale ra olatpi, eki eya eŋe maine ŋinane don tewekeyake.

Ŋei mane eŋe naŋane ra more wikilane kaet kaki, solaine ma waulukeyakeo, eŋe gege togon wane numaine korop siukka-lukeyake, ŋo ŋei mane eŋe naŋane ra more seukeyake, ŋei yewa eŋe gege togon marat kayake.

Pakiso Yesu eŋe dokoine edane rake, “Borikine kine kineŋo ŋei ŋerep mau sotene maratoniyake, eya naso baŋem wakonmaike, ŋo ŋei maneŋo kimaine qebin mabin borikine mane ma more, sot marat kayakeo, Kaisaleŋo ŋei eya wikile maniyake. Ŋo ŋei maneŋo medep nigatne yewa maki me iwenkaki sot marat kayakeo, Kaisaleŋo ŋei eya wikile suwaine zok maniyake.

Kine kine Noa wane nasoo wakonge, eya korop Ŋei Wawainane Gipolane nasoino wakoniyake. Noa wane nasoo eya, ŋei ŋerep korop ŋara doku soep ne more, zokit makoi, nasoine yale ari mage ari mageki, so Noa eŋe sekiwo kaiwe mane waketki, doku qakumŋo ket more ŋei ŋerep korop enguki seukwarekoi.