Popular Bible Verses from Luka 12

Share

Pakimo eya wane ŋine yalewaka ewekkei, onoka wane, Ŋei Wawainane Gipole naso maneo ŋine raikei, ‘Eŋe mi sariyake,’ yale ra more mi detkau, eŋe baŋ sariyake.”

eya wane turuŋine eyamo ŋine Kaisale wane bango kine kine maine pamaike, eya wane wetŋine suwaine motpi payake, pakimo ŋado Kaisaleŋo kine kine iwa eyamo boaŋ ŋiboniyake.

Pakiso eŋe koso takotke korop edane rake, “Deŋine nat nat potkei, so diyamŋine ma more, kine kine natne eya wane bailalaŋ misuk okanikei, ŋei aboŋ ŋine suwaine ŋine gege togon ŋine yemo aboŋ yewa ŋine mi marat kayake.”

Qeliwo asu wane gege aboŋ pamaike, yewaoka naso baŋem wetŋine motpi payake.”

Ŋinano ŋine mane maŋo dere mezet okangi paki, nasoine ma kiroroine more koma natne koso ge ariyake?

Pakiso, Yesuŋo dokoine edane rake, “Na iwa yale wane ŋidanmaile, ŋine ŋaraŋo kaŋine qesiŋkaki, gege me takot laplapŋo solaŋine kawetka more gege, yewa wane dere mezet zok misuk okanikei.

Ŋo, ŋinane leweŋine zounane zaleine yemo mo dapotwareke, eya wane ŋine misuk kaet okangei, ŋinane leweŋineŋo yemo wawaine, naŋi nigatne eŋane lewetene yuwankamaike!”

Lamakopne magu nigatne, ŋine misuk kaet okangei, magaŋine eŋe eŋine bango kine kine qeli ewe zonomine pamaike, eya mo ŋiboniyakane batne okanmaike.

Ŋine naŋimde gawe onbi, eŋe ŋara mi ebot okanmami, me ŋara mau urumgo mi wa okanmaike, eŋe ŋara urumene mida, so aboŋ kine kine mot mot wane urumene mida, ŋo siluŋ Kaisaleŋo ŋara gumeon okanmaike! Ŋei ŋerep ŋido naŋi yuwan onmami.

Ŋine eya wane zok wetŋine kopusutne motki, misuk raikei, onoka ŋara nekene, me onoka doku nekene.

Touk zubaine iwa eŋe ukude yalewa zurakmaike, ŋo qaekino wamo buratke okanmaike, pakimo kitaremo, gerepko birau wa ze okanmaike. Touk yauwine yaline eŋe siluŋ Kaisaleŋo takotene biraon okanmaike. Pakimo ŋinane takot laplap mi ma wakoniyake ramami me? Yai, mali malipŋine nigagatne!

Kine kine kaweunerop pamaike, yewa mo boaŋ kaweune lalage didiwo wakon wareyake, ŋo kine kine sane pamaike, yewa mo boaŋ didiwo wakongi detka warekei.