Popular Bible Verses from Luka 11

Share

Pakimo, ŋine ŋei bori worine yalineŋo gipon borasokop ŋine ŋara aboŋ mai maine ebone, gumeon okan okanmami, ŋo Magak qeliwo rokop mane gemaikeŋo meŋenka okanmami, eŋe Asu Koboboine ŋiboniyakane, oko bakom yemo similerop so wet korop zok manerop okan okanmaike!”

“Eya wane na ŋidanbe detpi, Kaisale meŋenkau, kine kine ŋiboniyake, ma zuwaŋ okane more, wele maratkaikei, madetko yatou lalage ŋiboniyake.

Meŋenka okanmaikeŋo kine kine mayake, ma zuwaŋ okanmaikeŋo wele kayake, madetko yatomaike, eŋe lalage maniyake.

Yesuŋo edane rake, “Ŋine iwa yale meŋen-kaikei, ‘Magaze, geŋane eŋetŋone koboboine mawakaikene, koto baŋem kepe baŋem Waom okan ŋonnom

Borikinezane turuŋ qeligenom. Ŋene yalewaka ŋei borikine okan ŋonmami, eŋane turuŋ qeliŋmaine. Ŋei Borikineŋo ŋene liwek ŋonmaike, ge mapik ŋonikene.’ ”

Kaiwe baŋem ŋara zuwageŋem, ge ŋebonikene.

Deŋone yewamo wet so solaŋonane kiwaine, deŋone maine mesiyakeo, wet so solaŋone yewa korop qelaŋanŋo wakesiyake, ŋo, deŋone borimaike, yemo wet so solaŋone eyamo korop panaman kitomaike

“Mane eŋe lam kuwake more, kine kine qekatno mi motki okora okanmaike, me laseŋo mi kito raukki met okanmaike. Mida! Eŋe zake kutno kitoki, mere mat kotino qelaŋangi, ŋei eŋe qelaŋan yewa ka more mat koto maine wa okanmami.