Popular Bible Verses from Fingec fingec 49

Share

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

“Yosef ye ic foragocac medac. Ye doku wegenac namma ic foragoc amma mari hereango oda semema ferahekefude. Nga tebengic yeni yeac ngaba amma hama suruckema tebe kperecgema wedecgec. Anu tebeac negen negengngic yeni yeac keracmangang amma kecgecde.

Anu ye yengena tebea kpesaheudeac efaima tackefu Yacakowac Kuc Minginango maria meficgema Isracelac Garengngo Hoc seria meficgeu mariango dzikac kpeudeac bic efaima kefude. Geac manggaac Anutu Kuc Mingina yeng meficguma yofi kenecguude. Ye wi kurumenggac nga bangec keme kemeaac kenecngo kenecguude. Amma geac arennunac ngac herenginaunac sabac fingecgecde amma namungina ifingoc fingerudeac kenecgoc anggecde.

“Yehuda dacmunafora yeni ye dengeregecde. Ye mariango ngabafora yeneac ubau meude. Amma manggaac medacfora yeni geac kicfu ngonducnegecde. Yehuda ye laionmedaha isoc. O medacna, ge yang kpema nannec. Ye laionyang isoc ngonducnema fenegenude. Amma ye laionngagera isoc andeac mongngo ye yarudeac naric mi suruckeude.

Recuwen, waracmedacna kuc nga seserinaac fora warac warac geng annec. Ge eweheiheiga monggoc nga kucga monggoc nga munafocga feracyununade. Dokungo yadima wiac memanganeande ge ifi isoc annec. Ifiac amma nasosoc mi feracyununade. Imoc yofiac, ye mama neac fefeu emma fefe imoc naso imohai seuc heiec.