Popular Bible Verses from Fingec fingec 37

Share

Anu kecma naso monnu Yosefngo gaukpefing hemma dacfora edeyunuu yeni imoc negemma torokpema ngadehegec.

Anu Isracel ye bic ngickpengeng ammaguc Yosef kpeficgeecac amma yeac songo kuneng negengkefec. Imoc medacfora goa yeneac songo negenec imoc ferahaec. Anu ye ngakpi maria herea kibi kibi gombunga mong mengerema miec.

Ifi anu mangngina ye Yosefaru songea kuneng feec nga yeneac songo efeanecsac feec imoc bic hentegecgec. Ifi hemma munangina ubango wama yegoc yoac ruaegoc denengeng anggecdeac mong mi ayemmekefec.

Anu imocac ngadeau gaukpefing mong ifingoc hemma imoc dacfora siduc ayemmema yofi deec, “Negenggec, ni gaukpefing mong monggoc hendua, afo nga wenac amma asomeng 11 yeni ngonducnenendau.”

Anu dacfora yeni yeac keracmangang anggec nga mamango ine yoac imoc negeng negenau fau fekefec.

Ye yofi dema edeyunuec, “Negenggec, ni gaukpefing mong yofi hendua. Nenang uau wiac dedeckeni nanu neac dedecngo dindingac yombong yacma nandac. Ngeneac dedecngo ine neac dedec yerecgema ngonducneandimbe ifi isoc ngonducnema nandacdau.”

Negendae, ye hau nenang kpebucgebisina. Kpebucgema teng monnu ukuni kemema feu yofi debisina, ‘Kateyang wasai mongngo hama nedac.’ Ifi deni yeac gaukpefinggac hania fingectegeru hembisina.”

Ifi ammagec Midyan bangecfunac emekpesingic hasikegec. Hasikegec dacfora yeni Yosef tennunac kpedzigec ereu ye suema silwadzo 20 megec. Megec emekpesingic yeneng Yosef mema Aigita bangecfu kenggec.

Amma yenaocngoc yofi degec, “Henggec, gauhehengngic edimoc hade.

Anu Yosef ye hereaungoc kemmanu dacfora yeni ye hemma kpebucgegecdeac denegeng anggec.

Ifi dema yenearunac mesima mamaaru monggoc mekenudeac negensiec. Anu yofi deec, “Ifi kpac, nenaoc marininango mi kpeserebisina nga sawa mi hetinggebisina. Bangec ngiha kpacfu teng nande imohai ine ukugec kemeu kekeha onggonggebisina.”