Popular Bible Verses from Makekeng 6

Share

Imocac Isracelngicngac yofi edeyununa, ‘Nennoc KEBU, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc KEBU Anutungina.

Nga ni marina miacma Awraham, Itsak nga Yacakow bangec yemmebeso deseriyemmeai, ihainoc hesicngunuma emma ngemmeba imocac mingina anggecde. Nennoc KEBU.’ ” Mose ye yoac imoc Isracelngicngac edeyunudaru yeni ine ubangina mayombonggeu kecgec nga wanacngic kekec nga faficua kpendzengtoayagoc anecac kedzac mi kpegec.

Ifi deu KEBUNGO Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”