Popular Bible Verses from Makekeng 2

Share

Enu Anutungo kiacubamangangina negemma Awraham, nga Itsak amma Yacakow yenigoc dzadzahac meec, imoc negensima Isracelngicngac yenenggareng ayemmeu yengena areng anggecde, ifi negenec.

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Kecma medac ye yadiu mema kemma Pareco naroanga miu yeac medaha yombong amma kefec. Anu ye yofi deec, “Ni dokuunac taiba ereec,” Ifi dema kpara Mose kparec.

Hau Pareco naroangango edeec, “Ge sabac yomoc mekemma namu gumenengkecna neng imocac bung gembade.” Ifi deu ngac ye sabac mekemma namu gumema kefec.

Nammanu Parecoac naroanga ye doku nadzirudeac kensikeu enactofoc tofoho naroangfora yeneng doku tegiau kengha amma kecmagec naroang ye dzamac dzamac manau sakac tarec, imoc hemma wanacngaha mong sueu kemma mehaec.

Anu Mose ye kecma yaditegecma naso monnu Isracelngicngac tosofora yenearu kemma henu wanacngicua ebiria yombong megecdeac ngombongyunugec yenenec. Yenemmanu aigitangic mongngo hebiraiongic tosofora yenearunac mong kpeu henec. Ifi hemma noboc nga noboc ngic yeneac kic fiu kpac anu aigitangic kpebucgema sangi usuma semeec.