Popular Bible Verses from Romíoṉ 3

Share

is liye ki sab ne gunáh kiyá, aur Ḳhudá ke jalál se mahrúm haiṉ; magar us ke fazl ke sabab, us maḳhlasí ke wasíle se jo Masíh Yisúʻ meṉ hai, muft rástbáz ṭhahráe játe haiṉ

yaʻní Ḳhudá kí wuh rástbází, jo Yisúʻ Masíh par ímán láne se sab ímán lánewáloṉ ko hásil hotí hai; kyúṉki kuchh farq nahíṉ

use Ḳhudá ne us ke ḳhún ke báʻis ek aisá kaffára ṭhahráyá, jo ímán láne se fáidamand ho; táki jo gunáh peshtar ho chuke the, aur jin se Ḳhudá ne tahammul karke tarah dí thí, un ke báre meṉ wuh apní rást-bází záhir kare; balki isí waqt us kí rástbází záhir ho: táki wuh ḳhud bhí ʻádil rahe, aur jo Yisúʻ par ímán láe, us ko bhí rástbáz ṭhahránewálá ho.

kyúṉki sharíʻat ke aʻmál se koí bashar us ke huzúr rástbáz nahíṉ ṭhahregá, is liye ki sharíʻat ke wasíle se to gunáh kí pahchán hí hotí hai.

Chunáṉchi likhá hai, ki Koí rástbáz nahíṉ, ek bhí nahíṉ; Koí samajhdár nahíṉ, Koí Ḳhudá ká tálib nahíṉ; Sab gumráh haiṉ, sab ke sab nikamme ban gaye; Koí bhaláí karnewálá nahíṉ, ek bhí nahíṉ

Chunáṉchi ham yih natíja nikálte haiṉ, ki insán sharíʻat ke aʻmál ke bagair ímán ke sabab se rástbáz ṭhahrtá hai.

Hargiz nahíṉ: balki Ḳhudá sachchá ṭhahre, aur har ek ádmí jhúṭhá: chunáṉchi likhá hai; Ki tú apní bátoṉ meṉ rástbáz ṭhahre, Aur apne muqaddame meṉ fath páe.