Popular Bible Verses from Yúhanná 13

Share

Maiṉ tumheṉ ek nayá hukm detá húṉ, ki ek dúsre se mahabbat rakkho; ki jaise maiṉ ne tum se mahabbat rakkhí, tum bhí ek dúsre se mahabbat rakkho. Agar ápas meṉ mahabbat rakkhoge, to is se sab jáneṉge ki tum mere shágird ho.

Pas jab mujh Ḳhudáwand aur Ustád ne tumháre páṉw dhoe, to tum par bhí farz hai, ki ek dúsre ke páṉw dhoyá karo; kyúṉki maiṉ ne tum ko ek namúna dikháyá hai, ki jaisá maiṉ ne tumháre sáth kiyá hai, tum bhí kiyá karo.

Yisúʻ ne jawáb meṉ us se kahá, ki Jo maiṉ kartá húṉ, tú ab nahíṉ jántá, magar baʻd meṉ samjhegá.

Maiṉ tum se sach sach kahtá húṉ, ki Naukar apne málik se baṛá nahíṉ hotá, aur na bhejá húá apne bhejnewále se.

Agar tum in bátoṉ ko jánte ho, to mubárak ho, basharte ki un par ʻamal bhí karo.

dastarḳhwán se uṭhkar kapṛe utáre, aur rúmál lekar apní kamar meṉ báṉdhá. Is ke baʻd bartan meṉ pání ḍálkar, shágirdoṉ ke páṉw dhone, aur jo rúmál kamar meṉ bandhá thá, us se poṉchhne shurúʻ kiye.