Popular Bible Verses from Yarmiyáh 37

Share

to Sidqiyáh bádsháh ne ádmí bhejkar use nikalwáyá: aur apne mahall meṉ us se ḳhufya taur se daryáft kiyá, ki Kyá ḲHUDáWAND kí taraf se koí kalám hai? aur Yarmiyáh ne kahá, ki Hai. Kyúṉki us ne farmáya hai, ki Tú sháh i Bábul ke hawále kiyá jáegá.

Aur umará Yarmiyáh par g̣azabnák húe, aur use márá, aur Yúnatan munshí ke ghar meṉ use qaid kiyá; kyúṉki unhoṉ ne us ghar ko qaidḳhána baná rakkhá thá.

Lekin na us ne, na us ke mulázimoṉ ne, na mulk ke logoṉ ne ḲHUDáWAND kí wuh báteṉ suníṉ, jo us ne Yarmiyáh nabí kí ma‘rifat farmáí thíṉ.

ḲHUDáWAND yúṉ farmátá hai, ki Tum yih kahkar apne áp ko fareb na do, ki Kasdí zarúr hamáre pás se chale jáeṉge: kyúṉki wuh na jáeṉge.