Ab rahá tú; so agar tú jaise terá báp Dáúd chalá, waise hí mere huzúr ḳhulús i dil aur rástí se chalkar us sab ke mutábiq jo maiṉ ne tujhe farmáyá ‘amal karegá, aur mere áín, aur ahkám ko máne: to maiṉ terí saltanat ká taḳht Isráíl ke úpar hamesha qáim rakkhúṉgá, jaisá maiṉ ne tere báp Dáúd se wa‘da kiyá, aur kahá, ki Terí nasl meṉ Isráíl ke taḳht par baiṭhne ke liye ádmí kí kamí na hogí.