Popular Bible Verses from 1 Kurinthíoṉ 12

Share

Lekin har shaḳhs meṉ Rúh ká zuhúr fáida pahuṉcháne ke liye hotá hai.

Isí tarah tum milkar Masíh ká badan ho, aur fardan fardan aʻzá ho.

Pas agar ek ʻuzw dukh pátá hai, to sáre aʻzá us ké sáth dukh páte haiṉ; aur agar ek ʻuzw ʻizzat pátá hai, to sáre aʻzá us ke sáth ḳhush hote haiṉ.

Kyúṉki ek ko Rúh ke wasíle se hikmat ká kalám ʻínáyat hotá hai; aur dúsre ko usí Rúh kí marzí ke muwáfiq ʻilmíyat ká kalám: kisí ko usí Rúh se ímán; aur kisí ko usí ek Rúh se shifá dene kí taufíq; kisí ko muʻjizoṉ kí qudrateṉ; kisí ko nubuwwat; kisí ko rúhoṉ kí imtiyáz; kisí ko tarah tarah kí zabáneṉ; kisí ko zabánoṉ ká tarjuma karná

lekin yih sab tásíreṉ wuhí ek Rúh kartí hai, aur jis ko jo cháhtí hai, báṉṭtí hai.

táki badan meṉ tafriqa na paṛe, balki aʻzá ek dúsre kí barábar fikr rakkheṉ.

Niʻmateṉ to tarah tarah kí haiṉ, magar Rúh ek hí hai. Aur ḳhidmateṉ bhí tarah tarah kí haiṉ, magar Ḳhudáwand ek hí hai. Aur tásíreṉ bhí tarah tarah kí haiṉ, magar Ḳhudá ek hí hai, jo sab meṉ har tarah ká asar paidá kartá hai.

Aur Ḳhudá ne kalísiyá meṉ alag alag shaḳhs muqarrar kiye; pahle rasúl, dúsre nabí, tísre ustád, phir muʻjize dikhánewále, phir shifá denewále, madadgár, muntazim, tarah tarah kí zabáneṉ bolnewále.

Chunáṉchi badan meṉ ek hí ʻuzw nahíṉ, balki bahut se haiṉ.

Balki badan ke wuh aʻzá jo auroṉ se kamzor maʻlúm hote haiṉ, bahut hí zarúrí haiṉ

Agar sárá badan áṉkh hí hotá, to sunná kaháṉ hotá? Agar sunná hí sunná hotá, to súnghná kaháṉ hotá? Magar fiʼlwáqiʻ Ḳhudá ne har ek ʻuzw ko badan meṉ apní marzí ke muwáfiq rakkhá hai. Agar wuh sab ek hí ʻuzw hote to badan kaháṉ hotá?