Popular Bible Verses from MATHI 11

Share

“Nohri münomüna thi khuo küzho kütseri hi vü raluo, hi nüh kümünyie vi nohri tsü naveh.

Eh thsokhuonyi vi vü luo, thi hi vünüh zanyothsüluo, küpakenühnyunü hi tü rünyimü thi eh luoveh nü rünyiemü, jütathuoüji nohri kürho kümünyie ngu naveh.

Küpakenühnyunü eh thsokhuonyi tü vü rüzimü, thi eh khuo nga mphiemü,” ti küza.

Eh Pa nüh zanyo aveh hi tsümüthuoh, thi Pawa wieküchie nüh nyi küsü nga Tsawa müthsü, jükümjie Tsawa wieküchie nüh nyi küsü nga Pawa müthsü, thi kürükari vü thuoüjinü Tsawa nüh ma küzaküthsü tsü naveh.

Thinü jütiküsavü Jisu nüh mari vü, “Nohri wa tajinü nohri nüh küünarari thi küngurari vi Johan vü küza luo. Notha küüjuri nga zanyo nguravehthuoh, jihküjiri nga letseravehthuoh, wupiekünari nga mütseramüthuoh, khünakürüpori nga zanyokünaravehthuoh, küsüri nga sakürholeravehthuoh, thi Zhühthe Kümühiewa vi kümükhuori vü küüza vi mari azhi saravehthuoh.

Akhüna peh taji küünari nü küüna luo.