Popular Bible Verses from MATHI 10

Share

Halie! anyihnyih azavü nyihzhüwa küüze kümüjie hi nüh nohri küzeveh, jükenüh nohri amüre aro kümühie kümüjie saluo, thi mükhrietü khuke kümühie kümüjie saluo.

Anyi küsüküsü nga ma satsa kürüpa nü vi ma zhi satekütsewa thuoüji kümiewie naveh, thitü anyi küsüküsü nga eh kenüh ma satsa mükürüpa nüh kümie kütsewa thuoüji ma satsa ngurale wie naveh.

Thi akümowa fetherawie ketünga sietsewa müküfetherari thuoüji mükrü tümü luo, thitü kümo nga thi sietse nga künyikhürü nyihsuozü vünüh küzorierawa krü luo.

Thi anyi küsüküsü nga ma mpa ma khieluothsowa kha tajinü eh se münyi thuoüji eh senyi müsatse.

Thi thari nüh nyiri tüvü hi vi phrahzhu naveh nüh hi nga eh Pa rügivü küpewa tüvü ma vi phrahzhu naveh. Thitü thari nüh nyiri tüvü hi vi müphrahzhu nüh sa naveh nüh hi nga eh Pa rügivü küpewa tüvü ma vi müphrahzhu nüh sanaveh.

Künari sakümühie tsüluo, küsüri sakürhotsüluo, wupie künari sakükutsüluo, sietsekümüsüri zhejamtüluo, nohri nüh ame müsanüh müjuju küngura kümüjie müjuju nyuri tsüluo.

Jükenüh nohri mükrü tümü luo, küpakenühnyunü nohri tü kakhrü hozake nyia vünüh ame zhi küveh kenüh.

Hi tü azhih vü kürükümühiewa tsüna ru tünti mümüshe tümü, hi tü kürükümühiewa tsü nti müru thitü anyuchuwa tsü nti küru wie.