Popular Bible Verses from MARK 5

Share

Kala ana ali hānga, “Inao ngalāva̱, nawui shitkasang china nali phāngasakhaira, chingri eina ungulu, kala nawui kazāt raihaoranu.”

Apam chili zingkum tharāda khani ashee ngayā kahai sha̱nao akha leisai. Khanong kachungkhali yangngasakhailala marsangmeihaowa.

Ana awui kachonli saza̱ya kala ashee khangaya̱ chi ngalāngda thenghaowa, kala awui kakazā chila raichaohaowa.

Jishuna apāng singkhuida, “Talitha, cumi,” chiwui kakhalata “Kateowa sha̱nao, Ina nali kahāngna, ngakarthuilu” kajina.

Ana matuimahungda leilakha Jairuswui shim eina kachikathā mi akhana rāda ali rahānga, “Nanao ngalāva̱ aruicham thihaira. Khisāda ojāli sheikhautluisara?” Kha Jishuna manganāsangmila synagoguewui akhavā chili hānga, “Mangacheealu, thada shitsangmalu.”

Kaja “Makathar manglā, mipa hiwui eina shokulu” da Jishuna hanghairasai. Jishuna ali ngahāna, “Nali khipa hokhala?” Ana ngahānkai, “Ili Legion hoi kaja ithum kachungkhaya!”