Popular Bible Verses from MATTHEW 18

Share

Khikhalajila iwui mingli khani lah kathum kazipakha, athumwui chili I zangda lei.”

Ina nathumli hāngluishitli, nathumwui ngachaili mi khanina kachikatha akha kapo chi okathuili mayā ngarokakha, kapo chi kazingramli khalei iwui Avāna mira.

Chieina ana naoshinao kateowa akhali hokhuida athumwui ngachaili nganing ngasakta hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

Kachikathā khalatta naoshinao thada malungkhanima a china kazing wungramli hakmeikap kajena.

Hikathā naoshinao akhali iwui mingwui vang khuikasanga a chi ili khuikasangna.

“Ina nathumli kachangkhat eina kahāngna, kachikathāli nathumna okathuili khalap kahahai chi kazingramlila khalapra, kala nathumna okathuili khalāmi kahai chi kazingramlila khalāmira.

Chithada sāda nathumna nachinā ngarāwui khayon khamāng chi wuklung eina mapheomiakha kazingramli khaleia iwui Avā chinala nathum kachiva̱li chithada sāra.”

“Kha kachikathāna ili shitkasanga kateowa naoshinao akhali morei sāngasakakha chikathā mili lungriham kahaka akha akahungli hokthangmihailaga kathuka shamadruli hikthat ngasak kahaina phāmei.

Nathumna khi phaningli? Mi akhana yao shākha leilaga akha pākthuihaiakha ana hangchikoda chiko chi phungreili haisālaga pākthui kahaia chili maphāmarala?